អ្នកនាំពាក្យសភាជប៉ុនរាយការណ៍ថា សមាជិកសភាជប៉ុនដល់ទៅជិត១៥០រូប កាលពីថ្ងៃទី២២ មេសា បានទៅកាន់ទីតាំងយ៉ាស៊ូគូនី ដ៏ចម្រូងចម្រាស់ដែលទីនោះជាកន្លែងគោរពវិញ្ញាណក្ខន្ធបណ្ដាអ្នកដែលស្លា.ប់ដើម្បីមាតុភូមិក្នុងនោះរួមទាំងពួកឧក្រិដ្ឋជនសង្គ្រាមលោកលើកទី២ដែលទទួលការកាត់ទោសក្រោយឆ្នាំ១៩៥៤ផង ។
អ្នកនាំពាក្យសភាជប៉ុនរាយការណ៍ថា សមាជិកសភាជប៉ុនដល់ទៅជិត១៥០រូប កាលពីថ្ងៃទី២២ មេសា បានទៅកាន់ទីតាំងយ៉ាស៊ូគូនី ដ៏ចម្រូងចម្រាស់ដែលទីនោះជាកន្លែងគោរពវិញ្ញាណក្ខន្ធបណ្ដាអ្នកដែលស្លាប់ដើម្បីមាតុភូមិក្នុងនោះរួមទាំងពួកឧក្រិដ្ឋជនសង្គ្រាមលោកលើកទី២ដែលទទួលការកាត់ទោសក្រោយឆ្នាំ១៩៥៤ផង ។
សមាជិករដ្ឋាភិបាលស្ដាំនិយមរបស់លោកនាយករដ្ឋមន្ដ្រីស៊ីនហ្សូអាបេ គឺរដ្ឋមន្ដ្រីកិច្ចការផ្ទៃក្នុងលោកយ៉ូស៊ីតាកា ស៊ីនដូ ក៏ទៅកាន់ទីតាំងនោះដែរ ក្នុងក្របខណ្ឌខែបុណ្យនិទាឃរដូវរយៈពេល៣ថ្ងៃដែលចាប់ផ្ដើមពីថ្ងៃទី២១ មេសាទៅ។ ធ្វើឡើងមុនការមកដល់ក្រុងតូក្យូរបស់ប្រធានាធិបតីអាមេរិក លោកបារ៉ាក់ អូបាម៉ា ការទៅកាន់ទីតាំងនោះអាចបង្កឱ្យមានប្រតិកម្មយ៉ាងខ្លាំងពីប្រទេសចិននិងកូរ៉េខាងត្បូង ដែលចាត់ទុកយ៉ាស៊ូគូនីថាជានិមិត្ដរូបនៃលទ្ធិយោធានិយមជប៉ុន កាលពីអតីតកាល ។
យ៉ាស៊ូគូនី តាមពិតជាទីតាំងសម្រាប់គោរពវិញ្ញាណក្ខន្ធទាហាន២,៥លាននាក់ ដែលបានបូជាជីវិតដើម្បីប្រទេសជប៉ុន ។ ក្នុងចំណោមទាហានទាំងនោះក៏មានឧក្រិដ្ឋជនសង្គ្រាម១៤នាក់ដែលពួកសម្ព័ន្ធមិត្ដកាត់ទោស ក្រោយជប៉ុនទទួលបរាជ័យក្នុងសង្គ្រាមលោកលើកទី២ដែរ ។ កាលពីថ្ងៃទី២១ មេសា លោក អាបេ បានផ្ដល់ដើមឈើ១ដើមយកទៅដាំនៅយ៉ាស៊ូគូនី ខណៈលោកពុំមានចេតនាទៅកាន់ទីនោះផ្ទាល់ក្នុងពេលភ្លាមៗ ។
លោកអាបេ ធ្លាប់ទៅកាន់យ៉ាស៊ូគូនី កាលពីខែធ្នូ ឆ្នាំ២០១៣ នាឆ្នាំដំបូងនៃការវិលត្រឡប់មកកាន់អំណាចវិញរបស់លោក ដែលនោះជាទស្សនកិច្ចដំបូងរបស់នាយករដ្ឋមន្ដ្រីជប៉ុន១រូបទៅកាន់យ៉ាស៊ូគូនី ចាប់តាំងពីឆ្នាំ២០០៦មក។ ប្រទេសចិននិងកូរ៉េខាងត្បូង បានសម្ដែងការខឹងសម្បាយ៉ាងខ្លាំងចំពោះការទៅកាន់ទីនោះរបស់បណ្ដាមេដឹកនាំជប៉ុន ៕
ចែករំលែកព័តមាននេះ