សារព័ត៌មានបរទេសបានផ្សាយដោយយោងតាមឯកសារក្នុងចក្រភពអង់គ្លេសថា លោកស្រីអេវ៉ា ប្រោន ប្រពន្ធរបស់ហុីទ្លែរ មេដឹកនាំក្រុមណាហ្សុី អាល្លឺម៉ង់ អាចមានឈាមជ័រអុីស្រាអែល ។របាយការណ៍ដែលយោងលើឯកសារថ្មីផ្សាយនៅទូរទស្សន៍ប៉ុស្តិ៍លេខ៤ របស់អង់គ្លេស បញ្ជាក់ថា មានតឹកតាងថា លោកស្រីអេវ៉ា ប្រោន អាចមានឈាមជ័រជាអុីស្រាអែល ទោះបីជាប្តីរបស់ខ្លួនជាអ្នកនៅពីក្រោយអំពើប្រល័យពូជសាសន៍អុីស្រាអែល ជាច្រើនលាននាក់ ក្នុងសង្គ្រាមលោកលើកទី២ ក៏ដោយ ។
ក្រុមអ្នកវិទ្យាសាស្ត្របានស្រាវជ្រាវពី DNA របស់ហុីទ្លែរ និងប្រពន្ធ ។ អ្នកស្រាវជ្រាវពិសោធន៍គំរូលើសរសៃសក់ដែលជាប់លើក្រាស់សិតសក់របស់ប្រពន្ធហុីទ្លែរ ។ ក្រាស់នោះប្រទះឃើញនៅផ្ទះរបស់ហុទ្លែរ នៅលើកំពូលភ្នំរបស់ណាហ្សុី ។ គំរូ DNA បង្ហាញថា លោកស្រីអេវ៉ា អាចមានអម្បូរ «អាតកេណាសុី អុីស្រាអែល» ស្ថិតនៅភាគកណ្តាល និងខាងកើតតំបន់អឺរ៉ុប ក្នុងសតវត្សទី១៩ ។
លោកម៉ាក អុីវ៉េន ក្នុងក្រុមអ្នកស្រាវជ្រាវបញ្ជាក់ថា ទិន្នន័យចុងក្រោយនេះ ជាដំណឹងមួយបង្កើតការភ័យខ្លាច និងជារឿងដែលនឹកស្មានមិនដល់ថា ស្ត្រីដែលហុីទ្លែរលង់ស្នេហ៍ និងរួមរស់ជាមួយគ្នាដល់ដំណាក់កាលចុងក្រោយនៃជីវិតនៅលេណដ្ឋានក្រុងប៊ែរឡាំង ក្នុងឆ្នាំ១៩៤៥ នោះ មានឈាមជ័រជាអុីស្រាអែល ។ ទិន្នន័យបញ្ជាក់ថា ហុីទ្លែរ មេដឹកនាំក្រុមណាស្សុី ស្ថិតនៅពីក្រោយការប្រល័យពូជសាសន៍ជនជាតិអុីស្រាអែល ក្នុងតំបន់អឺរ៉ុបប្រហែល៥,៩លាននាក់ ពីឆ្នាំ១៩៣៣ ដល់ឆ្នាំ១៩៤៥ ខណៈពេលទិន្នន័យរបស់អាមេរិកបង្ហាញថា មានជនជាតិអុីស្រាអែលស្លាប់ប្រហែលពី១៥ ទៅ២០លាននាក់ ៕
ចែករំលែកព័តមាននេះ