ការប៉ះទង្គិចគ្នាកើតមានកាលពីថ្ងៃទី២០ មេសា រវាងប៉ូលិសកូរ៉េខាងត្បូងនិងសាច់ញាតិជនរងគ្រោះដោយសារការលិចនាវាដឹកអ្នកដំណើរមួយគ្រឿងកាលពីថ្ងៃទី១៦ មេសា កន្លងទៅ ។
សាច់ញាតិគ្រួសារជនរងគ្រោះមានកំហឹងដោយសារភាពយឺតយ៉ាវក្នុងការសង្គ្រោះ ដែលមកទល់ពេលនេះទើបអាចស្រង់យកសាកសពមនុស្សតែ៤៩នាក់ ។
សរុបសាកសពមនុស្ស១៦នាក់ប៉ុណ្ណោះ ដែលត្រូវបានរកឃើញពេលពួកអ្នកមុជទឹក កាលពីថ្ងៃទី១៩ មេសា អាចចូលទៅដល់ក្នុងនាវាដែលលិចក្នុងជម្រៅ២៧ម៉ែត្រ ។ នៅមានសាកសពមនុស្សជាច្រើននាក់ទៀតជាប់ក្នុងនាវានៅឡើយ ។
៤ថ្ងៃក្រោយសោកនាដកម្មនេះ សាច់ញាតិគ្រួសារអ្នកបាត់ខ្លួនប្រមាណជា១០០នាក់បានមកកាន់កោះជីនដូ ហើយមានបំណងលើកគ្នាមកក្រុងសេអ៊ូល ដើម្បីទាក់ទាញការយកចិត្ដទុកដាក់របស់អាជ្ញាធរ ។ ក៏ប៉ុន្ដែ ប៉ូលិសបានរារាំងពួកគេត្រង់ច្រកចូលស្ពានដែលតភ្ជាប់កោះនោះទៅកាន់ដែនគោកនាំឱ្យមានការប៉ះទង្គិចគ្នា ៕
ចែករំលែកព័តមាននេះ