ក្នុងសេចក្តីប្រកាសមួយ វិមានប្រធានាធិបតីបារាំងអេលីហ្សេ គូសបញ្ជាក់កាលពីថ្ងៃទី១៩ មេសា ថា ប្រធានាធិបតីបារាំង លោក ហ្វ្រង់ស្វ័រ ហូឡង់ ថ្លែងកាលពីព្រឹកថ្ងៃទី១៩ មេសា នោះ ថា លោកបានទទួលព័ត៌មានគួរឱ្យធូរទ្រូងបំផុតមួយពីការដោះលែងអ្នកកាសែតបារាំង៤នាក់ ដែលចាប់ជាចំណាប់ខ្មាំងនៅប្រទេសស៊ីរី ចាប់តាំងពីខែមិថុនា ឆ្នាំ២០១៣ មកម៉្លេះ ។
ក្នុងសេចក្តីប្រកាសមួយ វិមានប្រធានាធិបតីបារាំងអេលីហ្សេ គូសបញ្ជាក់កាលពីថ្ងៃទី១៩ មេសា ថា ប្រធានាធិបតីបារាំង លោក ហ្វ្រង់ស្វ័រ ហូឡង់ ថ្លែងកាលពីព្រឹកថ្ងៃទី១៩ មេសា នោះ ថា លោកបានទទួលព័ត៌មានគួរឱ្យធូរទ្រូងបំផុតមួយពីការដោះលែងអ្នកកាសែតបារាំង៤នាក់ ដែលចាប់ជាចំណាប់ខ្មាំងនៅប្រទេសស៊ីរី ចាប់តាំងពីខែមិថុនា ឆ្នាំ២០១៣ មកម៉្លេះ ។
សេចក្តីប្រកាសនោះគូសបញ្ជាក់ថា អ្នកកាសែតទាំង៤នាក់នេះ សុទ្ធតែមានសុខភាពល្អ ទោះរស់នៅក្នុងលក្ខខណ្ឌយ៉ាងលំបាកពេលជាប់ជាចំណាប់ខ្មាំងក្តី ។ ពួកគេនឹងវិលត្រឡប់ទៅប្រទេសបារាំងវិញប៉ុន្មានម៉ោងខាងមុខនេះ ។
យោងតាមវិមានអេលីហ្សេ ថា លោក ហ្វ្រង់ស្វ័រ ហូឡង់ បានថ្លែងអំណរគុណដល់បណ្តាអ្នកដែលបានជួយជ្រោមជ្រែងនាំទៅដល់ការដោះលែងអ្នកកាសែតទាំងនោះ ហើយចូលរួមរីករាយជាមួយសាច់ញាតិរបស់ពួកគេ ដែលទូលទុក្ខយ៉ាងយូរ ។
លោកអះអាងពីការគាំទ្រពេញទំហឹងរបស់លោកចំពោះសេរីភាពសារព័ត៌មាន ដែលតម្រូវឱ្យមានការធានាសន្តិសុខ និងបូរណភាពរបស់បណ្តាអ្នកកាសែតដែលមានតួនាទីជាអ្នកផ្តល់ព័ត៌មាន ។
ប្រធានាធិបតីបារាំង នៅតែមានការព្រួយបារម្ភចំពោះវាសនារបស់ជនជាតិបារាំង២នាក់ទៀត ដែលនៅតែជាប់ជាចំណាប់ខ្មាំងនៅតំបន់ Sahel នៃទ្វីបអាហ្វ្រិក ។ លោកអះអាងជាថ្មីពីការជួយទ្រទ្រង់ដល់គ្រួសារពួកគេ ហើយរំឭកពីការប្តេជ្ញាចិត្តរបស់លោក និងការបន្តខិតខំប្រឹងប្រែងមិនបន្ធូរដៃដើម្បីឱ្យទទួលបានការដោះលែងពួកគេ ៕
ចែករំលែកព័តមាននេះ