យោងតាមការសិក្សាថ្មីមួយធ្វើឡើងដោយក្រុមអ្នកវិទ្យាសាស្ត្រអាមេរិកបានបង្ហាញថា បុរសដែលប្រើប្រាស់ថ្នាំបញ្ចុះខ្លាញ់កូឡេស្តេរ៉ូលមិនត្រឹមតែធ្វើឱ្យសុខភាពបេះដូងរបស់ខ្លួនបានល្អប្រសើរប៉ុណ្ណោះទេ ប៉ុន្តែ ថែមទាំងជួយធ្វើឱ្យល្អប្រសើរដល់សុខភាពផ្លូវភេទផងដែរ។
យោងតាមការសិក្សាថ្មីមួយធ្វើឡើងដោយក្រុមអ្នកវិទ្យាសាស្ត្រអាមេរិកបានបង្ហាញថា បុរសដែលប្រើប្រាស់ថ្នាំបញ្ចុះខ្លាញ់កូឡេស្តេរ៉ូលមិនត្រឹមតែធ្វើឱ្យសុខភាពបេះដូងរបស់ខ្លួនបានល្អប្រសើរប៉ុណ្ណោះទេ ប៉ុន្តែ ថែមទាំងជួយធ្វើឱ្យល្អប្រសើរដល់សុខភាពផ្លូវភេទផងដែរ។
ក្រុមអ្នកស្រាវជ្រាវមកពីសាកលវិទ្យាល័យ Rutgers University នៅរដ្ឋញូវជើស៊ី សហរដ្ឋអាមេរិកបានពិសោធឃើញថា បុរសដែលមានបញ្ហាលិង្គមិនងើបអាចកែកុនបានប្រមាណជា ២៥ភាគរយដោយការប្រើប្រាស់ពពួកឱសថបញ្ចុះខ្លាញ់កូឡេស្តេរ៉ូល ។ ដោយឡែកចំពោះមូលហេតុឬដំណើរយ៉ាងណាដែលឱសថទាំងនេះជួយកែលំអចំពោះបញ្ហាលិង្គមិនងើបនោះគឺមិនត្រូវបានលើកយកមកពន្យល់អះអាងក្នុងការសិក្សាលើកនេះទេ ។
ទោះជាយ៉ាងនេះក្ដីវេជ្ជបណ្ឌិត John Kostisដែលជាអ្នកដឹកនាំការស្រាវជ្រាវពន្យល់ថា ប្រសិទ្ធភាពដូចខាងលើនេះ ក៏ព្រោះបណ្តាឱសថបញ្ចុះខ្លាញ់បានជួយពង្រីកសរសៃឈាមនិងព្រមទាំងធ្វើឱ្យល្អប្រសើរដល់លំហូរឈាមតាមសរសៃចែកចាយទៅកាន់លិង្គ ។ លោកបន្តថា ខណៈឱសថបញ្ចុះខ្លាញ់មិនត្រូវបានណែនាំឱ្យប្រើព្យាបាលជាបឋមនូវជំងឺងាប់លិង្គលើបណ្តាអ្នកជំងឺបេះដូងដែលមានកម្រិតខ្លាញ់កូឡេស្តេរ៉ូលធម្មតា ដូច្នេះ តាមអត្ថប្រយោជន៍របស់វាលើកនេះគឺប្រហែលជាអាចលើកទឹកចិត្តបន្ថែមទៀតដល់បុរសជាច្រើនងាកមកប្រើថ្នាំនេះ ។
ជាទូទៅ ជំងឺលិង្គមិនងើបរឹងបានកើតមានលើបុរសរាប់លាននាក់ក្នុងពិភពលោក ហើយវាកើតជាធម្មតាទៅលើបុរសដែលមានវ័យចាប់ពី៤០ឆ្នាំឡើងទៅ ។ មូលហេតុចម្បងនានាមានដូចជា ជំងឺបេះដូង លើសឈាម ជំងឺទឹកនោមផ្អែមប្រភេទ២ ជក់បារី និងជំងឺ Stressជាដើម ៕
ចែករំលែកព័តមាននេះ