រាជធានីភ្នំពេញ ៖ «ស្រឡាញ់ណាស់ មិនបានដូចបំណង» ចំណងជើងមួយឃ្លាខាងលើនេះត្រឹមត្រូវទាំងសងខាង ។ ខាងបុរសជាប្តីស្រឡាញ់ភរិយាណាស់ បុ៉ន្តែការស្រឡាញ់នោះមិនបានរស់នៅជាមួយគ្នាដល់ចាស់ជរាទេ ស្ថិតក្នុងយុវវ័យកំពុងពុះកញ្ជ្រោល ទីបំផុតភរិយាជាទីស្រឡាញ់បែរជាបែកចិត្តទៅមានសហាយ។
រាជធានីភ្នំពេញ ៖ «ស្រឡាញ់ណាស់ មិនបានដូចបំណង» ចំណងជើងមួយឃ្លាខាងលើនេះត្រឹមត្រូវទាំងសងខាង ។ ខាងបុរសជាប្តីស្រឡាញ់ភរិយាណាស់ បុ៉ន្តែការស្រឡាញ់នោះមិនបានរស់នៅជាមួយគ្នាដល់ចាស់ជរាទេ ស្ថិតក្នុងយុវវ័យកំពុងពុះកញ្ជ្រោល ទីបំផុតភរិយាជាទីស្រឡាញ់បែរជាបែកចិត្តទៅមានសហាយ។
ចំណែកភរិយាដ៏ស្រស់ប្រឹមប្រិយវិញបោះបង់ចោលប្តីទៅនែបនិត្យជាមួយប្រុសថ្មី ដែលអាចមានន័យថា ស្រឡាញ់ប្រុសថ្មីខ្លាំងណាស់ សុខចិត្តជិះម៉ូតូជាមួយគ្នាឱបចង្កេះពីក្រោយយ៉ាងប្រកៀក បុ៉ន្តែសេចក្តីស្រឡាញ់ដ៏ជ្រាលជ្រៅនេះ ទីបំផុតមិនបានដូចបំណងឡើយ ។ នៅទីបំផុត សេចក្តីស្នេហាលើសលប់នេះ ទាំង២នាក់មិនមានសំណាងល្អដូចគ្នា ព្រមទាំងលាចាកលោកយើងទៅទាំងសោកសៅជាទីបំផុត ដែលស្មានមិនដល់ ។ ដោយសារសេចក្តីស្រឡាញ់បំផុតនេះហើយ ទើបស្វាមីដាច់ចិត្តប្រហារភរិយាមិនឱ្យអ្នកណាថ្លើមធំយកនាងជាភរិយាទេ ហើយខ្លួនឯងដាច់ចិត្តធ្វើអត្តឃាតតាមក្រោយ ដើម្បីបញ្ចប់ការឈឺចាប់ក្នុងជីវិតដែលមនុស្សលោកយើងកម្រនឹងបានជួបប្រទះ ។ នេះហើយដែលគេឱ្យនិយមន័យយ៉ាងស្រាលថា «ស្រឡាញ់ណាស់ មិនបានដូចបំណង ។
មានរឿងរ៉ាវស្នេហាត្រីកោណមួយ ដែលស្ត្រីជាប្រពន្ធជាប់ចោទលួចមានសហាយស្មន់ ហើយប្តីនិងបងប្អូនតាមទាន់ពេលកំពុងតែជិះម៉ូតូនែបនិត្យគ្នានៅតាមផ្លូវដោយមិនអាល័យស្នេហ៍ចាស់ ឈានទៅមានទំនាស់ក្នុងគ្រួសារ ។ ទីបំផុតប្តីបានច្របាច់កសម្លាប់ប្រពន្ធនៅក្នុងផ្ទះ រួចហើយចង.កសម្លាប់ខ្លួនឯងតាមក្រោយ បន្សល់ទុកកូនតូចៗចំនួន៣នាក់ ឱ្យនៅកំព្រាឥតមេបា ។ ហេតុការណ៍នេះ បានធ្វើឱ្យមានការភ្ញាក់ផ្អើលកាលពីវេលាម៉ោង២និង៤០នាទីរសៀល ថ្ងៃទី២៥ មករា នៅផ្ទះលេខ៦៣ ផ្លូវលេខ២៦៥ ក្រុមទី១៣ ភូមិទី៤ សង្កាត់បឹងសាឡាង ខណ្ឌទួលគោក នៅពេលដែលអ្នកជិតខាងមានការសង្ស័យ ព្រោះឃើញម៉ូតូទុកចោលនៅមុខផ្ទះក៏បានអើតមើល ទើបប្រទះឃើញសព ។ បុរសជាប្តីដែលចង.កសម្លាប់ខ្លួននោះ ត្រូវសមត្ថកិច្ចឱ្យដឹងថា ឈ្មោះ មៀវ សំណាង អាយុ៣១ឆ្នាំ ជាអ្នកបើកបររថយន្តដឹកភ្ញៀវទេសចរណ៍ ។ ចំណែកស្ត្រីជាប្រពន្ធឈ្មោះ ហង្ស សុគន្ធារី អាយុ៣០ឆ្នាំ ជាបុគ្គលិកកាស៊ីណូណាហ្គាវើល ។ តាមមន្ត្រីនគរបាលមូលដ្ឋានបានឱ្យដឹងថា នៅមុនពេលកើតហេតុ អ្នករស់នៅក្បែរនោះបានឃើញម៉ូតូម៉ាកវីវ៉ាមួយគ្រឿងទុកចោលនៅមុខផ្ទះ១ថ្ងៃ១យប់មកហើយ ។ ដោយមានការសង្ស័យ ទើបអ្នកជិតខាងបានទៅអើតមើល ក៏ប្រទះឃើញបុរសជាប្តីចង.កសម្លាប់ខ្លួននៅច្រកចូលបន្ទប់ទឹក ហើយក៏បានរាយការណ៍ប្រាប់សមត្ថកិច្ចនគរបាលចុះទៅពិនិត្យ ស្រាប់តែឃើញស្ត្រីជាប្រពន្ធដេកស្លាប់នៅក្នុងបន្ទប់ដេកហើមស្អុយទៅហើយ ។
ព័ត៌មាននៅកន្លែងកើតហេតុឱ្យដឹងទៀតថា នៅវេលារសៀលថ្ងៃទី២២ មករា ពីរនាក់ប្តីប្រពន្ធនេះមានទំនាស់គ្នាយ៉ាងខ្លាំង ធ្វើឱ្យមានការភ្ញាក់ផ្អើលដល់សមត្ថកិច្ច និងអាជ្ញាធរមូលដ្ឋានចុះទៅសម្របសម្រួល ហើយស្ត្រីជាប្រពន្ធទាមទារប្តឹងលែងលះគ្នា តែត្រូវបានសមត្ថកិច្ចណែនាំឱ្យទៅប្តឹងតុលាការ ។ ការទាស់ទែងគ្នានេះ ត្រូវគេដឹងថា ផ្តើមចេញពីស្ត្រីជាប្រពន្ធលួចមានសហាយស្មន់ជាមួយប្រុសផ្សេង និងបំផ្លិចបំផ្លាញទ្រព្យសម្បត្តិក្នុងផ្ទះ ហើយត្រូវបានប្តីនិងបងប្អូនតាមទាន់ជាក់ស្តែង កាលពីវេលាម៉ោង៧និង៣០នាទីយប់ ថ្ងៃទី២០ មករា នៅពេលកំពុងជិះម៉ូតូជាមួយប្រុសស្នេហ៍ រួចហៅនគរបាលឃាត់ខ្លួននាំទៅប៉ុស្តិ៍នគរបាលទន្លេបាសាក់ បង្កឱ្យមានការភ្ញាក់ផ្អើលមួយឈុត ដែលកោះសន្តិភាពបានចុះផ្សាយមួយលេខរួចហើយពីហេតុការណ៍នោះ ។ ដោយសារតែប្រពន្ធមានសហាយ ជាក់ស្តែងបែបនេះ ធ្វើឱ្យប្តីផ្ទុះកំហឹងសម្លាប់ប្រពន្ធ រួចចងកសម្លាប់ខ្លួនឯងតែម្តង ។ តាមព័ត៌មានពីក្រុមគ្រួសារខាងស្រ្តីជាប្រពន្ធបានឱ្យដឹងថា ទាំង២នាក់ប្តីប្រពន្ធនេះបានរៀបការជាមួយគ្នា១០ឆ្នាំមកហើយ និងមានកូនចំនួន៣នាក់ (ប្រុស២ ស្រី១) ដែលកូនប្រុសច្បងអាយុ៨ឆ្នាំ និងកូនស្រីពៅអាយុ៣ឆ្នាំ ។ ការរស់នៅជាមួយគ្នា បុរសជាប្តីស្រឡាញ់ប្រពន្ធណាស់ ហើយគិតតែពីរកស៊ី ។ រយៈពេលប្រមាណ២ខែមកហើយដែលប្រពន្ធបានទៅធ្វើការនៅកាស៊ីណូណាហ្គាវើល ដោយប្តីទិញរថយន្តម៉ាកតូយ៉ូតាកាមរីបាឡែន ស៊េរី២០០២ ពាក់ស្លាកលេខភ្នំពេញ 2W-6871 មួយគ្រឿងឱ្យប្រពន្ធជិះទៅធ្វើការ ។ លុះក្រោយមកស្រាប់តែប្រពន្ធលែងសូវចូលផ្ទះ និងមានភាពរកាំរកូសក្នុងគ្រួសារជាញឹកញាប់ ហើយរហូតដល់បងប្អូនឃើញឈ្មោះ ហង្ស សុគន្ធារី ជិះម៉ូតូជាមួយប្រុសផ្សេង ។ ការទាស់ទែងគ្នាក្នុងគ្រួសារមុននេះ កូនទាំង៣នាក់តូចៗ ត្រូវបានជីដូននាំទៅដេកនៅផ្ទះជាមួយនៅម្តុំផ្សារដេប៉ូ មិនបាននៅជាមួយឪពុកម្តាយទេ ទុកឱ្យប្តីប្រពន្ធនេះរស់នៅតែ២នាក់ ។
តាមក្រុមគ្រួសារឱ្យដឹងទៀតថា នៅថ្ងៃទី២៣ មករា វេលាម៉ោងប្រមាណ៩និង៣០នាទីយប់ ឈ្មោះ មៀវ សំណាង បានបបួលបងប្អូនប្រុសស្រីខាងប្រពន្ធមកផឹកស៊ី និងច្រៀងខារ៉ាអូខេ ហើយបុរសជាប្តីរូបនោះបាននិយាយប្រាប់បងប្អូនថា ខ្លួននិងប្រពន្ធមិនអាចរស់នៅជាមួយគ្នាបានទេ ខ្លួនពិបាកចិត្តណាស់ មានតែសម្រេចចិត្តសម្លាប់ខ្លួនតែប៉ុណ្ណោះ ។ បុរសជាប្តីនិយាយទៀតថា តែមុននឹងស្លាប់ ខ្លួននឹងសម្លាប់ប្រពន្ធមុន ហើយសម្លាប់ខ្លួនឯងជាក្រោយ ព្រមទាំងផ្តាំបងប្អូនឱ្យជួយមើលកូនទាំង៣នាក់ផង ។ ខណៈនោះបងប្អូនបានណែនាំកុំឱ្យគិតខ្លីបែបនេះ ហើយក៏ចាត់ទុកថា នេះជាសម្តីដោយផ្តើមឡើងដោយការព្រួយចិត្តបុ៉ណ្ណោះ ។ តាមព័ត៌មានបន្តទៀតថា នៅយប់នោះបងថ្លៃបាននាំបុរសជាប្តីទៅម៉ាស្សាបន្តទៀត តែពេលនោះបុរសជាប្តីមិនបានម៉ាស្សាទេដោយប្រាប់ថា មិនហ៊ានដោះអាវទេ ព្រោះមានស្លាកស្នាមច្រើនដែលមានទំនាស់គ្នាជាមួយប្រពន្ធ ។ លុះរំលងបានតែ២ថ្ងៃក៏មានការភ្ញាក់ផ្អើលប្រទះឃើញសពតែម្តង ។ បន្ទាប់ពីមានការភ្ញាក់ផ្អើល នគរបាលរកឃើញលិខិតបណ្តាំដែលគេអះអាងថា ប្តីជាអ្នកសរសេរផ្តាំផ្ញើឱ្យបងប្អូនថ្លៃ និងម្តាយក្មេកជួយមើលថែទាំកូនទាំង៣នាក់ ព្រមទាំងចាត់ចែងទ្រព្យឱ្យកូនៗ ។ នៅក្នុងលិខិតបណ្តាំបានឱ្យដឹងថា «សូមបងៗ ប្អូនៗដ៏ល្អរបស់ខ្ញុំជួយមើលថែរក្សាកូនទាំង៣នាក់របស់ពួកខ្ញុំផង ហើយទ្រព្យសម្បត្តិរបស់ពួកខ្ញុំ សូមម៉ាក់ ហើយ បងមុំ បងថុង ប្អូនស្រីធីតា រិទ្ធី ប្អូនស្រីសុជាតិ ប្អូនប្រុសរ៉ូ ប្អូនពៅ និងអាអូន (សុវណ្ណវង្ស) ជួយចាត់ចែង និងថែរក្សាទុកដាក់សម្រាប់អនាគតកូនរបស់ខ្ញុំផង ខ្ញុំអាណិតគេទាំង៣នាក់នេះណាស់»។
នៅក្នុងលិខិតបណ្តាំ ក៏បានឱ្យដឹងទៀតថា «ខ្ញុំពិតជាស្រឡាញ់ប្រពន្ធខ្ញុំណាស់ ខ្ញុំអត់ចង់បាត់បង់នាងទេ…ម៉ែ! កូនលាហើយ» ។ មានលិខិតមួយច្បាប់ទៀតបានសរសេរថា «ខ្ញុំមានរបស់ខ្លះនៅក្នុងរថយន្ត ក្នុងកាបូប ឡេបថប ហើយត្រូវបានសមត្ថកិច្ច រួមទាំងក្រុមគ្រួសារត្រួតពិនិត្យឃើញមានខ្សែដៃ និងគ្រឿងអលង្ការមួយចំនួនទៀត ។ ទោះបីជាយ៉ាងណា ក្រុមគ្រួសារឱ្យដឹងថា នៅនឹងខ្លួនស្ត្រីជាប្រពន្ធមានគ្រឿងអលង្ការពេជ្រមានតម្លៃរាប់ម៉ឺនដុល្លារបានបាត់ ដែលគេមានការសង្ស័យថា នាងលក់ស៊ីចាយអស់ ។ នៅពេលដែលសមត្ថកិច្ចចុះពិនិត្យរកឃើញមានទូដែកមួយដែលត្រូវបានគេគាស់ ហើយសមត្ថកិច្ចមានការសង្ស័យថា ទូដែកនេះត្រូវបានបុរសជាប្តីគាស់បន្ទាប់ពីបាត់អស់គ្រឿងអលង្ការពីខ្លួនប្រពន្ធ ព្រោះកូនសោនិងលេខសម្ងាត់ទូដែកនៅលើប្រពន្ធ ។ តាមការពិនិត្យសពស្ត្រីជាប្រពន្ធ គឺត្រូវបានគេច្របាច់កសម្លាប់លើពូក និងហើមស្អុយ ហើយមានពណ៌ខ្មៅទៅហើយ គឺ ស្លាប់រយៈពេលប្រមាណ៣ថ្ងៃមកហើយ ។
ចំណែកសពបុរសជាប្តីមិនទាន់ធុំក្លិនទេ ដែលតាមការសន្និដ្ឋានរបស់សមត្ថកិច្ច ការស្លាប់របស់ស្ត្រីជាប្រពន្ធ គឺត្រូវបានបុរសជាប្តីច្របាច់ក រួចហើយទើបទៅចង.កសម្លាប់ខ្លួនឯងជាក្រោយ ។ សពពីរនាក់ប្តីប្រពន្ធនេះ ត្រូវបានក្រុមគ្រួសារបញ្ជូនទៅតម្កល់នៅវត្តសំបួរមាស ក្នុងខណ្ឌដង្កោ ដើម្បីធ្វើបុណ្យតាមប្រពៃណី ៕
ចែករំលែកព័តមាននេះ