ខេត្តបន្ទាយមានជ័យ ៖ បុរសម្នាក់ជាតៃកុងបើកគ្រឿងចក្រឈូសឆាយធ្វើផ្លូវ ត្រូវជនសង្ស័យយកកូនសោម៉ាលេតវាយបែកមុខរយះដេរអស់ជាច្រើនថ្នេរ ខណៈដែលបើកគ្រឿងចក្រឈូសឆាយប៉ះទុយោទឹកគេ ដែលហេតុការណ៍នេះ បានកើតឡើងកាលពីវេលាម៉ោង ៥ និង ៥០នាទី រសៀលថ្ងៃទី១២ មករា ២០១៤ នៅចំណុចផ្លូវលំមួយស្ថិតក្នុងភូមិផ្សារកណ្តាល សង្កាត់ផ្សារកណ្តល ក្រុងប៉ោយប៉ែត។
ខេត្តបន្ទាយមានជ័យ ៖ បុរសម្នាក់ជាតៃកុងបើកគ្រឿងចក្រឈូសឆាយធ្វើផ្លូវ ត្រូវជនសង្ស័យយកកូនសោម៉ាលេតវាយបែកមុខរយះដេរអស់ជាច្រើនថ្នេរ ខណៈដែលបើកគ្រឿងចក្រឈូសឆាយប៉ះទុយោទឹកគេ ដែលហេតុការណ៍នេះ បានកើតឡើងកាលពីវេលាម៉ោង ៥ និង ៥០នាទី រសៀលថ្ងៃទី១២ មករា ២០១៤ នៅចំណុចផ្លូវលំមួយស្ថិតក្នុងភូមិផ្សារកណ្តាល សង្កាត់ផ្សារកណ្តល ក្រុងប៉ោយប៉ែត។
ជនរងគ្រោះមានឈ្មោះ ចាំង ភេទប្រុស អាយុជាង ៣០ឆ្នាំ ជាតៃកុងបើកគ្រឿងចក្រឈូសឆាយផ្លូវ រងរបួសរយះមុខឆ្វេងដេរអស់ជាច្រើនថ្នេរ ចំណែកជនសង្ស័យមានឈ្មោះ ជិន សាវី ហៅពៅ ភេទប្រុស អាយុជាង ៣០ឆ្នាំ មុខរបរជាអ្នកដាក់ទុយោទឹកក្នុងភូមិ។
ក្រោយកើតហេតុ ជនរងគ្រោះបានទៅសម្រាកព្យាបាលនៅគ្លីនិកឯកជន រីឯជនសង្ស័យត្រូវបានសមត្ថកិច្ចបញ្ជូនទៅប៉ុស្តិ៍នគរបាលរដ្ឋបាលផ្សារកណ្តាល ដើម្បីធ្វើការសួរនាំ និងឃុំខ្លួនបណ្តោះអាសន្ន៕
ចែករំលែកព័តមាននេះ