រាជធានីភ្នំពេញ​៖ សមត្ថកិច្ចប្រឆាំង​បាតុកម្មជាច្រើននាក់​ បានផ្តើមបំបែក​ក្រុមអ្នកតវ៉ា​នៅមុខសាលាដំបូង​រាជធានីភ្នំពេញ​ហើយនៅម៉ោង​២រសៀលថ្ងៃទី០៣​ មករា ២០១៤ ។

បើតាមអ្នកឆ្លើយឆ្លង​ព័ត៌មាន​កោះសន្តិភាព​បានបញ្ជាក់ឲ្យដឹងនៅ​ប៉ុន្មាននាទីមុនេះថា​ ក្នុងការបំបែកបាតុករនេះ​មានផ្ទុះអំពើហិង្សារយៈពេលខ្លី​ ប៉ុន្តែពុំមានអ្នក​របួសធ្ងន់ធ្ងរនោះទេ ។ យ៉ាងណាក៏ដោយ​បើទោះបីជាសមត្ថកិច្ច​បង្រ្កាបបាតុកម្ម​បានបំបែកក្រុមបាតុករនោះក៏ដោយ ​ក៏កំណាត់ផ្លូវព្រះមុនីរ៉េត​ មុខសាលាដំបូងរាជធានី​ភ្នំពេញមិនទាន់​​បើកដំណើរការ​ជាធម្មតា​ឡើងវិញនៅឡើយទេ ​គិតត្រឹមម៉ោង២និង២៥​នាទីរសៀលថ្ងៃសុក្រនេះ ។

ចំណែកសេចក្តីរាយការណ៏​ពីក្នុងសាលាដំបូងរាជធានី​ភ្នំពេញនោះវិញ ​លោក វ៉ន ពៅ​ ប្រធានសមាគម​ប្រជាធិបតេយ្យឯករាជ្យនៃ​សេដ្ឋកិច្ចក្រៅប្រព័ន្ឋ ​និង មនុស្សមួយ​ចំនួនទៀត ចៅក្រមស៊ើបសួរ​បានបញ្ចប់ការសួដេញ​ដោលហើយដែរ ​ប៉ុន្តែមិនទាន់ដឹងពីការចោទ​ប្រកាន់នៅឡើយទេ​ និង បានបញ្ជូនទៅឃុំខ្លួន​បណ្តោះអាសន្ននៅ​ពន្ឋនាគារព្រៃសហើយ ៕