គោយន្តច្នៃ ១គ្រឿង ចុះចំណោទចាប់ហ្រ្វាំងមិនស៊ីជ្រុលក្រឡាប់ជាច្រើនត្រលប់ កិនបែកក្បាលតៃកុងស្លាប់ភ្លាមៗ និងរបួសធ្ងន់ម្នាក់
ខេត្តរតនគិរី ៖ បុរសម្នាក់បានស្លាប់ភ្លាមៗ នៅនឹងកន្លែងយ៉ាងអាណោចអាធ័ម និងបុរសម្នាក់ទៀតរងរបួសធ្ងន់ ខណៈដែលពួកគាត់ត្រូវថៅកែប្រើឲ្យទៅដឹកឈើនៅស្រុកត្រវែង ហើយបានបើកគោយន្តកែច្នៃ ១គ្រឿង ចេញពីក្រុងបានលុង ឆ្ពោះទៅស្រុកត្រវែង លុះមកដល់ចំណុចផ្លូវគ្រួសក្រហមចុះចំណោទ គោយន្តច្នៃចាប់ហ្រ្វាំងមិនស៊ី និងដាក់លេខមិនចូល ក៏បណ្តាលឲ្យក្រឡាប់ ៣ ទៅ ៤ត្រលប់ កិនតៃកុងបែកក្បាលខ្ទេច និងបាក់ដៃបាក់ជើងស្លាប់ភ្លាមៗ តែម្តង ចំណែកព្រូម្នាក់របួសធ្ងន់បាក់ភ្លៅ។
ចែករំលែកព័តមាននេះ