ខេត្តកំពង់ស្ពឺ ៖ អំពើហិង្សាមួយបានកើតទ្បើង កាលពីវេលាម៉ោង២និង៣០នាទីរសៀលថ្ងៃទី៩ ធ្នូ នៅក្នុងភូមិកុមារមាស ឃុំអមលាំង ស្រុកថ្ពង ដែលបង្កទ្បើងដោយបុរសស្រវឹងជោកជាំម្នាក់ យកដំបងឫស្សីវាយទៅលើបុរសម្នាក់ទៀត ដែលជាអ្នកភូមិមានផ្ទះនៅក្បែរគ្នា បណ្តាលឱ្យស្លាប់ក្នុងថ្លុកឈាម រួចបន្តយកកណ្តៀវអារ.កបន្ថែមទៀត ព្រោះខ្លាចពុំទាន់ស្លាប់ ។
ខេត្តកំពង់ស្ពឺ ៖ អំពើហិង្សាមួយបានកើតទ្បើង កាលពីវេលាម៉ោង២និង៣០នាទីរសៀលថ្ងៃទី៩ ធ្នូ នៅក្នុងភូមិកុមារមាស ឃុំអមលាំង ស្រុកថ្ពង ដែលបង្កទ្បើងដោយបុរសស្រវឹងជោកជាំម្នាក់ យកដំបងឫស្សីវាយទៅលើបុរសម្នាក់ទៀត ដែលជាអ្នកភូមិមានផ្ទះនៅក្បែរគ្នា បណ្តាលឱ្យស្លាប់ក្នុងថ្លុកឈាម រួចបន្តយកកណ្តៀវអារ.កបន្ថែមទៀត ព្រោះខ្លាចពុំទាន់ស្លាប់ ។
ទាក់ទិននឹងករណីវាយសម្លាប់យ៉ាងសាហាវឃោរឃៅនេះ លោកអនុសេនីយ៍ឯក ហ៊ន សុហុន អធិការរងនគរបាលស្រុកថ្ពង ទទួលបន្ទុកការងារព្រហ្មទណ្ឌបានរៀបរាប់ពីហេតុការណ៍ថា ក្នុងអំពើហិង្សានេះ បុរសឈ្មោះ ឃន ខេង អាយុ៤៩ឆ្នាំ បានវាយតប់នឹងដៃផង និងដំបងឫស្សីផង បណ្តាលឱ្យបុរសឈ្មោះ សែម នៅ អាយុ៣៥ឆ្នាំ ស្លាប់ ។ ក្រោយពីត្រូវបុរសឈ្មោះ ឃន ខេង វាយនឹងដៃ ធ្វើឱ្យបុរសរងគ្រោះឈ្មោះ សែម នៅ ទ្រមខ្លួនក៏ខំរត់គេចចេញមកក្រៅរបងផ្ទះ ប៉ុន្តែជននោះ នៅតែដេញតាមដោយវាយនឹងដំបងឫស្សីចំគល់.កខាងស្តាំ បណ្តាលឱ្យដួលស្លាប់ក្នុងថ្លុកឈាម ។ អ្នកភូមិកុមារមាសនិយាយថា ពេលឃើញដួលស្លាប់ទៅហើយពុំអស់ចិត្ត ជនឈ្មោះ ឃន ខេង ក៏យកកណ្តៀវច្រូតស្រូវមកអារ.ក បន្ថែមទៀត ។ អ្នកភូមិពុំហ៊ានចូលអន្តរាគមន៍ទេក្នុងជម្លោះគ្នានេះ ព្រោះឃាតករមានមាឌធំ ហើយស្រវឹងស្រាជោកជាំ ដៃម្ខាងកាន់ដំបងឫស្សីនិងម្ខាងទៀតកាន់កណ្តៀវច្រូតស្រូវ ដែលប្រទ្បាក់ឈាមជាប់ផ្លែកណ្តៀវ ដើរស្រែកក្អេងក្អាងថា អ្នកណាចូលអ្នកនោះមករកសេចក្តីស្លាប់ ។
មួយសន្ទុះក្រោយមក កម្លាំងនគរបាលប៉ុស្តិ៍រដ្ឋបាលឃុំអមលាំង បានមកដល់ដេញព័ទ្ធចាប់ខ្លួន ប៉ុន្តែនៅតែពុំហា៊នប្រថុយប្រថានក្នុងការចូលចាប់ខ្លួនឆៅៗនោះទេ រហូតមានការបាញ់គំរាមដោយកាំភ្លើងខ្លីអស់៣គ្រាប់ ទើបជនល្មើសប្រគល់ខ្លួនឱ្យចាប់ ៕
ចែករំលែកព័តមាននេះ