រាជធានីភ្នំពេញ ៖ ព្រឹកនេះ (ទី១ មេសា) នៅទីក្រុងកោះពេជ្រអមដោយទន្លេបាសាក់ និងទន្លេមេគង្គមានរៀបចំតាំងពិព័រណ៍ផលិតផលជាច្រើនមុខ លាតសន្ធឹងប្រមាណ៣០០ស្ដង់ ដែលនាំចូលពីបណ្ដាប្រទេសនានានៅលើពិភពលោក ដើម្បីបង្ហាញនូវសមិទ្ធផលថ្មីៗ និងភាពអស្ចារ្យដែលអ្នកបច្ចេកវិទ្យាទើបតែរកឃើញ ហើយយកមកដាក់ប្រកួតប្រជែងនៅលើទីផ្សារអន្ដរជាតិ ។ ជាមួយគ្នានេះក្រុមហ៊ុនកោះសន្ដិភាពបានដាក់តាំងបង្ហាញនូវផលិតផល ពេញនិយមរបស់អតិថិជន គឺសារព័ត៌មាន “កោះសន្ដិភាព” និង “គេហទំព័រ” (Website) ជាទីប្រឹក្សាដ៏ឆ្នើមក្នុងការផ្ដល់ព័ត៌មានទាន់ហេតុការណ៍ជូនលោកអ្នក ។
ផលិតផលជាច្រើនដែលរាយតាមស្ដង់ជា ជួរៗ រួមមានគ្រឿងឧបភោគ បរិភោគ សម្ភារប្រើប្រាស់តាមផ្ទះ គ្រឿងសំណង់ គ្រឿងអគ្គិសនី គ្រឿងអេឡិចត្រូនិក រថយន្ដ ផលិតនៅប្រទេសចិន រថយន្ដធនាគារចល័ត និងផលិតផលសំរាប់ប្រើប្រាស់ផ្នែកកសិកម្ម ឧស្សាហកម្មជាច្រើនមុខទៀត ។ សំរាប់ក្រុម ហ៊ុនកោះសន្ដិភាពវិញបានដាក់តាំងបង្ហាញ ផលិតផលសារព័ត៌មានកោះសន្ដិភាព និង គេហទំព័រ (Website) របស់ខ្លួនផងដែរ ដើម្បីប្រកួតប្រជែងផ្នែកដំណឹងទាន់ហេតុការណ៍ និងធ្វើខ្លួនឱ្យក្លាយជាអ្នកផ្ដល់ដំណឹងជាទីទុកចិត្ដដល់លោកអ្នកដែលកន្លងមក “សារព័ត៌ មានកោះសន្ដិភាព និងគេហទំព័រ (Website) បានក្លាយជាទីប្រឹក្សាដ៏ឆ្នើមរបស់លោកអ្នករួចមកហើយ” ។
ពិធីតាំងពិព័រណ៍ផលិតផលទំនើបៗនៅលើទឹកដីទីក្រុងថ្មីកោះពេជ្រនេះរៀបចំដោយ អាជ្ញាធរជាតិអភិវឌ្ឍន៍បច្ចេកវិទ្យាគមនាគមន៍ព័ត៌មានវិទ្យា (NIDA) សហការជាមួយក្រុមការងារទិន្នន័យអន្ដរជាតិ និងក្រសួងប្រៃសណីយ៍ និងទូរគមនាគមន៍ ហើយនឹងត្រូវបញ្ចប់នៅថ្ងៃទី៣ មេសា ខាងមុខនេះ ។
ចែករំលែកព័តមាននេះ