នារីឥណ្ឌាម្នាក់ឱ្យកូនគោមួយក្បាលបៅដោះ
ដោយ ៖ ប្រុសកោះ
ថ្ងៃពុធ ទី១ ខែកញ្ញា ឆ្នាំ២០១០ ម៉ោង ១៥:៤៨
គេហទំព័របរទេស
សត្វគោមួយក្បាល
នារីឥណ្ឌាម្នាក់ពុំមានការរារែកឡើយក្នុងការឱ្យកូនគោមួយក្បាល ដែលពេលនេះមានអាយុ៥០ថ្ងៃបៅដោះនាង ហើយការធ្វើបែបនេះគឺដើម្បីបង្ហាញពីក្តីស្រលាញ់ចំពោះសត្វ ។ នាងស៊ូធី និយាយថា នាងស្រលាញ់សត្វ ហេតុដូច្នេះហើយបានជានាងពុំខ្លាចឡើយក្នុងការឱ្យកូនគោមួយក្បាលបៅដោះនាង ហើយការឱ្យកូនគោនេះបៅដោះមានរវាងពី៣ទៅ៤ដងក្នុងមួយថ្ងៃ ចាប់តាំងពីច្រើនសប្តាហ៍មកហើយ ។ នារីរូបនេះបន្តទៀតថា សំរាប់រូបខ្ញុំពុំមានការលំបាកណាមួយក្នុងការបំបៅដោះកូនគោមួយ និងកូនង៉ែតម្នាក់ឡើយ ។ កូនគោនេះទើបកើតបានប៉ុន្មានថ្ងៃ មេរបស់វាក៏ងាប់ចោល ។ ខ្ញុំបានឱបកូនគោនេះក្នុងដៃ ហើយឱ្យវាបៅដោះខ្ញុំ ។ កូនគោនេះក៏ត្រូវចិញ្ចឹមដោយឱ្យនំបុ័ងវាស៊ីដែរ៕
