ខេត្តឧត្តរមានជ័យ ៖ តុលាការស្រុកខាន់តាឡាក់ ខេត្តស៊ីសាកេត ប្រទេសថៃ បានធ្វើការដោះលែងអ្នកទោសខ្មែរចំនួន៣៧នាក់ ដែលមានទោសឆ្លងដែនចូលទៅក្នុងប្រទេសថៃ កា.ប់ឈើគ្រញូងដោយខុសច្បាប់ ។ អ្នកទោសខ្មែរទាំងនេះត្រូវបាននាំមកប្រគល់ឱ្យអាជ្ញាធរកម្ពុជាវិញតាមច្រកទ្វារអន្តរជាតិជាំសាងាំ ដែលស្ថិតនៅភូមិជើងភ្នំ ឃុំត្រពាំងប្រីយ៍ ស្រុកអន្លង់វែង កាលពីវេលាម៉ោង៣រសៀល
ខេត្តឧត្តរមានជ័យ ៖ តុលាការស្រុកខាន់តាឡាក់ ខេត្តស៊ីសាកេត ប្រទេសថៃ បានធ្វើការដោះលែងអ្នកទោសខ្មែរចំនួន៣៧នាក់ ដែលមានទោសឆ្លងដែនចូលទៅក្នុងប្រទេសថៃ កាប់ឈើគ្រញូងដោយខុសច្បាប់ ។ អ្នកទោសខ្មែរទាំងនេះត្រូវបាននាំមកប្រគល់ឱ្យអាជ្ញាធរកម្ពុជាវិញតាមច្រកទ្វារអន្តរជាតិជាំសាងាំ ដែលស្ថិតនៅភូមិជើងភ្នំ ឃុំត្រពាំងប្រីយ៍ ស្រុកអន្លង់វែង កាលពីវេលាម៉ោង៣រសៀលថ្ងៃទី២៨ វិច្ឆិកាកន្លងទៅ។
ឮបុរសម្នាក់ក្នុងចំណោមអ្នកទោសទាំង៣៧នាក់ឈ្មោះ នូវ ទិត្យ អាយុ៤៧ឆ្នាំមានទីលំនៅក្នុងភូមិត្រពាំងសង្កែ ឃុំក្រាំងចេក ស្រុកឧត្តុង្គ ខេត្តកំពង់ស្ពឺ បានរៀបរាប់ថា រូបគាត់បាននាំគ្នាធ្វើដំណើរចាកចេញពីផ្ទះមានគ្នា២០នាក់ ដោយមានមេខ្យល់នាំមកអូសនិងកាប់ឈើគ្រញូង លុះពេលជិះរថយន្តមកដល់ស្រុកជាំកម្សាន្ត ខេត្តព្រះវិហារ មេខ្យល់បាននាំឆ្លងដែនចូលប្រទេសថៃតាមច្រកចាក់ច្រែង ក្នុងនោះមេខ្យល់បានបង់លុយទៅឱ្យទាហានដែលឈរជើងនៅទីនោះក្នុងម្នាក់ៗចំនួន៣ម៉ឺនរៀល ទើបអាចធ្វើដំណើរចេញទៅបាន ។ លុះពេលចូលទៅដល់ក្នុងទឹកដីថៃ ពួកខ្លួនកំពុងតែកាប់និងអូសឈើគ្រញូង ស្រាប់តែក្រុមទាហានឈុតខ្មៅថៃបានបាញ់រះជាច្រើនគ្រាប់ មានអ្នកខ្លះបានស្លាប់បាត់បង់ជីវិត អ្នកខ្លះរងរបួស និងខ្លះទៀតត្រូវបានទាហានឈុតខ្មៅថៃចាប់ខ្លួននាំយកទៅដាក់ក្នុងពន្ធនាគារប្រទេសថៃកាលពីអំឡុងខែមីនា ២០១២ កន្លងទៅ ។
បុរសរូបនេះបានបញ្ជាក់ថា ជាក់ស្តែងអ្នកទោសខ្មែរទាំង៣៧នាក់នេះដែលតុលាការស្រុកខាន់តាឡាក់ ខេត្តស៊ីសាកេត ទើបតែបានដោះលែងនេះដោយសារបានចោទប្រកាន់ពីបទឆ្លងដែនកាប់ឈើគ្រញូងដោយខុសច្បាប់ ត្រូវបានតុលាការស្រុកខាន់តាឡាក់កាត់ទោសទាំង៣៧នាក់មានទោសម្នាក់ៗ១៩ខែ ។
ចែករំលែកព័តមាននេះ