រាជធានីភ្នំពេញ ៖ បន្ទាប់ពីមានការចូលរួមយ៉ាងច្រើនកុះករក្នុងកម្មវិធីបង្ហាញម្ហូបអាហារខ្មែរលើកទីមួយដែលមានអ្នកចូលរួមជាង៩.០០០នាក់ កាលពីខែមីនាឆ្នាំកន្លងទៅ នៅពហុកីឡដ្ឋានជាតិអូឡាំពិក អង្គការដើម្បីភាពញញឹមនៃកុមារ (PSE) បានប្រកាសនូវកម្មវិធីរាត្រីសប្បុរសធម៌បង្ហាញមុខម្ហូបខ្មែរលើកទី២ ប្រចាំឆ្នាំ២០១៣ នៅទីក្រុងសៀមរាប ។ ពិធីបង្ហាញម្ហូបអាហារខ្មែរ នឹងនាំមកនូវ
រាជធានីភ្នំពេញ ៖ បន្ទាប់ពីមានការចូលរួមយ៉ាងច្រើនកុះករក្នុងកម្មវិធីបង្ហាញម្ហូបអាហារខ្មែរលើកទីមួយដែលមានអ្នកចូលរួមជាង៩.០០០នាក់ កាលពីខែមីនាឆ្នាំកន្លងទៅ នៅពហុកីឡដ្ឋានជាតិអូឡាំពិក អង្គការដើម្បីភាពញញឹមនៃកុមារ (PSE) បានប្រកាសនូវកម្មវិធីរាត្រីសប្បុរសធម៌បង្ហាញមុខម្ហូបខ្មែរលើកទី២ ប្រចាំឆ្នាំ២០១៣ នៅទីក្រុងសៀមរាប ។ ពិធីបង្ហាញម្ហូបអាហារខ្មែរ នឹងនាំមកនូវម្ហូបអាហារពី បណ្តាខេត្តចំនួន១៦ នៃព្រះរាជាណាចក្រកម្ពុជា។
ថ្លែងនៅក្នុងសន្និសីទកាសែតកាលពីថ្ងៃទី២៦ វិច្ឆិកា នៅទីស្តីការក្រសួង លោកទិត ចន្ថា រដ្ឋលេខាធិការក្រសួងទេសចរណ៍ មានប្រសាសន៍ថា ការបង្ហាញនូវម្ហូបអាហារបែបប្រពៃណី និងម្ហូបអាហារនាពេលបច្ចុប្បន្នជាឱកាសតែមួយគត់ដើម្បីបានភ្លក់ស្នាដៃនៃកេរ្តិ៍ដំណែលរបស់ខ្មែរដែលបានបាត់បង់ និងកប់ទុកជាយូរមកហើយ។ បុ៉ន្តែព្រឹត្តិការណ៍នេះមិនមែនមានតែម្ហូបអាហារតែបុ៉ណ្ណោះទេ បុ៉ន្តែកម្មវិធីនេះក៏នឹងមានសិល្បករ សិល្បការិនីជាច្រើនរូបសម្តែងនៅលើវេទិកាតន្ត្រី របាំបុរាណ ការបង្ហាញម៉ូដសក់ និងម៉ូដសម្លៀកបំពាក់ផងដែរ ។
លោកទិត ចន្ថា បានបញ្ជាក់ថា ព្រឹត្តិការណ៍នេះយើងធ្លាប់រៀបចំម្តងរួចមកហើយកាលពីឆ្នាំទៅនៅរាជធានីភ្នំពេញ ដែលមានអ្នកចូលរួមប្រមាណជិតមួយម៉ឺននាក់ ។ លោកបន្ថែមថា ការរៀបចំពិព័រណ៍ម្ហូបអាហារនេះវាមិនគ្រាន់តែជាការលើកតម្កើងមុខម្ហូបខ្មែរបុ៉ណ្ណោះទេ បុ៉ន្តែវាមានន័យដ៏ជ្រាលជ្រៅក្នុងការអភិវឌ្ឍមុខម្ហូបខ្មែរ និងការជួយស្វែងរកវិធីដើម្បីជួយដល់ប្អូនៗកុមារដែលមានជីវភាពក្រីក្រ ។
ចែករំលែកព័តមាននេះ