ខេត្ដព្រះសីហនុ ៖ ដោយសារតែផឹកទឹកស្រវឹងជ្រុលបានធ្វើឱ្យជនបរទេសម្នាក់ជិះម៉ូតូទៅបុកខឿនរង្វង់មូលតោពីរដាច់កង់ម៉ូតូខាងមុខខ្ទាតចូលចូលសួនច្បារ ។ ហេតុការណ៍នេះកើតឡើងកាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី១ សីហា នៅចំណុចរង្វង់មូលតោពីរ ស្ថិតក្នុងភូមិ៤ សង្កាត់៤ ក្រុងព្រះសីហនុ បណ្ដាលឱ្យជនបរទេសនោះរងរបួសធ្ងន់បែកក្បាល និងបាក់
ខេត្ដព្រះសីហនុ ៖ ដោយសារតែផឹកទឹកស្រវឹងជ្រុលបានធ្វើឱ្យជនបរទេសម្នាក់ជិះម៉ូតូទៅបុកខឿនរង្វង់មូលតោពីរដាច់កង់ម៉ូតូខាងមុខខ្ទាតចូលចូលសួនច្បារ ។ ហេតុការណ៍នេះកើតឡើងកាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី១ សីហា នៅចំណុចរង្វង់មូលតោពីរ ស្ថិតក្នុងភូមិ៤ សង្កាត់៤ ក្រុងព្រះសីហនុ បណ្ដាលឱ្យជនបរទេសនោះរងរបួសធ្ងន់បែកក្បាល និងបាក់ប្រអប់ជើងចេញឆ្អឹង ។
តាមការអះអាងពីប៉ូលិសចរាចរឱ្យដឹងថា ជនបរទេសមិនស្គាល់អត្ដសញ្ញាណម្នាក់ មានមាឌធំក្រអាញ ដោះអាវ ជិះម៉ូតូអ៊ែរប្លែត ពណ៌ខ្មៅ គ្មានស្លាកលេខ ក្នុងស្ថានភាពស្រវឹងជោកជាំជ្រុលទៅបុកខឿនរង្វង់មូលតោពីរ បណ្ដាលឱ្យដួលរងរបួសធ្ងន់ ។ បច្ចុប្បន្នកំពុងសម្រាកព្យាបាលនៅគ្លីនិកឯកជនមួយ ចំណែកម៉ូតូសមត្ថកិច្ចរបស់យកទៅរក្សាទុកនៅការិយាល័យចរាចរណ៍ខេត្ដ ។
តាមសាក្សីជាអ្នកបើករ៉ឺម៉កម៉ូតូនិយាយថា ខណៈពេលរូបគាត់កំពុងអង្គុយចាំដឹកភ្ញៀវនៅម្ដុំហាងក្បែររង្វង់មូលតោពីរ ស្រាប់តែឃើញជនបរទេសម្នាក់បើកម៉ូតូមួយគ្រឿងយ៉ាងលឿន និងស្រែកផងក្នុងទិសដៅពីលិចទៅកើត ។ លុះទៅដល់ផ្លូវចំណោត ម៉ូតូក៏ជ្រុលទៅបុកខឿនរង្វង់មូលតោពីរពេញទំហឹង បណ្ដាលឱ្យជនបរទេសនោះដួលសន្លប់ស្ដូកស្ដឹងបាត់មាត់បាត់កតែម្ដង ។ អ្នកឃើញហេតុការណ៍បានទូរស័ព្ទហៅរថយន្ដសង្គ្រោះដឹកទៅព្យាបាល ៕
ចែករំលែកព័តមាននេះ