ចោរប្លន់រថយន្ដគួកជេជិះអស់សាំងទុកចោលក្រោយមកចាប់ខ្លួនបាន
ដោយ ៖ អប្សរា
ថ្ងៃព្រហស្បត្ត៏ ទី១១ ខែមិនា ឆ្នាំ២០១០ ម៉ោង ២០:០៤
ជោគជ័យ
រថយន្ដគួកជេមាកកាមរីឆ្លាមពណ៌ខ្មៅ
ខេត្ដកណ្ដាល ៖ រថយន្ដកាមរីមួយ គ្រឿងប្រភេទឆ្លាម ពណ៌ខ្មៅ ពាក់ស្លាកលេខ ភ្នំពេញ ២J-៦៦១៣ ត្រូវបានសមត្ថកិច្ច និង ប្រជាពលដ្ឋនៅឃុំដីឥដ្ឋ ស្រុកកៀនស្វាយ ប្រទះឃើញចតនៅលើផ្លូវជាតិលេខ១ នា រសៀលថ្ងៃទី១១ មីនា បន្ទាប់ពីមានអំពើប្លន់ រថយន្ដនេះហើយបើករត់រហូតអស់សាំង ប៉ុន្ដែរយៈពេលប្រមាណ៣ម៉ោងក្រោយមក ពួកចោរប្លន់ពីរនាក់ក៏ត្រូវសមត្ថកិច្ចចាប់ខ្លួន បាន ។លោកវរសេនីយ៍ទោ ប៉ា សំអិត អធិការ នគរបាលស្រុកកៀនស្វាយបានឱ្យដឹងថា រថ យន្ដមួយគ្រឿងខាងលើនេះ ជារថយន្ដដែល ចោរប្លន់២នាក់បានធ្វើសកម្មភាពប្លន់ពីអ្នក លក់រថយន្ដម្នាក់នៅក្នុងភូមិសាស្ដ្រឃុំព្រែក ឯង ស្រុកកៀនស្វាយ ។ លុះពេលប្លន់បាន សំរេចហើយក៏ជិះរត់តាមផ្លូវជាតិលេខ១ ឆ្ពោះទៅទិសដៅកំពង់ចំលងអ្នកលឿង ។ ប៉ុន្ដែជាពេលស៊យរបស់ក្រុមចោរប្លន់ប៉ះចំ ឡានអស់សាំងជិះដល់ត្រឹមភូមិសាស្ដ្រខាង លើ រថយន្ដក៏រលត់ម៉ាស៊ីនទៅមុខលែងរួច ហើយពួកចោរក៏ប្លុងចោលតែម្ដង និងរត់គេច ខ្លួនបាត់ស្រមោល ។
បន្ដិចក្រោយមកសមត្ថ កិច្ចមូលដ្ឋានបានទទួលពាក្យបណ្ដឹងពីម្ចាស់រថយន្ដក៏ប្រកាសកំលាំងពួនស្ទាក់ទើបប្រទះ ឃើញរថយន្ដខាងលើនេះ និងស្រាវជ្រាវចាប់ ខ្លួនពួកចោរទាំងពីរនោះ នាំយកមកសាកសួរ គឺនាំពួកគេចេញពីព្រៃតែម្ដង ។ម្ចាស់រថយន្ដខាងលើឈ្មោះអ៊ឹម ចាន់តារា អាយុ៣៦ឆ្នាំ មានទីលំនៅក្នុងរាជធានីភ្នំពេញ បានឱ្យដឹងថា រូបគេត្រូវចោរប្លន់២នាក់បាន ប្រើល្បិចធ្វើជាទិញរថយន្ដរបស់ខ្លួននៅក្នុង រាជធានីភ្នំពេញ ហើយថា ទៅយកលុយថ្លៃ រថយន្ដនៅធនាគារអេស៊ីលីដាផ្សារច្បារអំពៅ ។ លុះធ្វើដំេណើរដល់ច្បារអំពៅក៏ឱ្យ ខ្លួនជាម្ចាស់រថយន្ដបន្ដទៅយកលុយនៅ សាខាធនាគារអេស៊ីលីដាស្រុកកៀនស្វាយ វិញ ។ ពេលធ្វើដំណើរដល់ភូមិសាស្ដ្រឃុំ ព្រែកឯង ពួកចោរប្លន់បានយកឧបរណ៍ឆក់ មកឆក់ខ្លួន ដែលពេលនោះហើយទើបដឹងថា ជាអំពើប្លន់ ហើយក៏ប្រវាយប្រតប់គ្នា ។ ប៉ូលិសបាននិយាយថា ពួកចោរបានច្រាន ម្ចាស់រថយន្ដទម្លាក់ចេញពីឡាន ហើយបើក រត់ទៅរហូតអស់សាំង ។
