ខេត្តបន្ទាយមានជ័យ ៖ ដើម្បីឱ្យវិស័យការពារសន្តិសុខសណ្តាប់ធ្នាប់កាន់តែរឹងមាំ និងមានប្រសិទ្ធភាពជូនប្រជាពលរដ្ឋក្នុងមូលដ្ឋាន ពិសេសចំពោះកិច្ចការពារសន្តិសុខក្នុងពេលដំណើរការឃោសនាបោះឆ្នោតឈានមកដល់ នៅរសៀលថ្ងៃទី២៦ មិថុនា នៅស្នងការដ្ឋាននគរបាលខេត្តបានរៀបចំពិធីផ្តល់ម៉ូតូម៉ាក YAMAHA កម្លាំង 115CC ចំនួន៦៥គ្រឿង មួកសុវត្ថិភាព៦៥មួក កញ្ចក់
ខេត្តបន្ទាយមានជ័យ ៖ ដើម្បីឱ្យវិស័យការពារសន្តិសុខសណ្តាប់ធ្នាប់កាន់តែរឹងមាំ និងមានប្រសិទ្ធភាពជូនប្រជាពលរដ្ឋក្នុងមូលដ្ឋាន ពិសេសចំពោះកិច្ចការពារសន្តិសុខក្នុងពេលដំណើរការឃោសនាបោះឆ្នោតឈានមកដល់ នៅរសៀលថ្ងៃទី២៦ មិថុនា នៅស្នងការដ្ឋាននគរបាលខេត្តបានរៀបចំពិធីផ្តល់ម៉ូតូម៉ាក YAMAHA កម្លាំង 115CC ចំនួន៦៥គ្រឿង មួកសុវត្ថិភាព៦៥មួក កញ្ចក់៦៥គូ និងកូនសោ៦៥សោ ដល់ប៉ុស្តិ៍រដ្ឋបាលនគរបាលទូទាំងខេត្ត ក្នុងមួយប៉ុស្តិ៍ទទួលបានម៉ូតូចំនួន១គ្រឿង ។
ពិធីនេះប្រព្រឹត្តទៅក្រោមអធិបតីភាពលោកឧត្តមសេនីយ៍ត្រី ខេង ស៊ុម ស្នងការនគរបាលខេត្ត និងមានការចូលរួមពីលោកវរសេនីយ៍ឯក ពូន សានិត ស្នងការរង ទទួលបន្ទុកការិយាល័យកណ្តាលភ័ស្តុភារ និងហិរញ្ញវត្ថុ លោកនាយរងការិយាល័យកិច្ចការប៉ុស្តិ៍រដ្ឋបាល លោកអធិការ អធិការរងស្រុក-ក្រុងផងដែរ ។
លោកឧត្តមសេនីយ៍ត្រី ខេង ស៊ុម ស្នងការនគរបាលខេត្តបានថ្លែងថា ម៉ូតូដែលប្រគល់ដល់នាយនគរបាលប៉ុស្តិ៍នាពេលនេះ ជាគោលការណ៍របស់ក្រសួងមហាផ្ទៃ ក្នុងការងារបម្រើសន្តិសុខ សណ្តាប់ធ្នាប់ជូនប្រជាពលរដ្ឋនៅក្នុងមូលដ្ឋាន ។ ជាងនេះគឺការពារសន្តិសុខក្នុងដំណើរឃោសនាបោះឆ្នោត និងបោះឆ្នោតជ្រើសតាំងតំណាងរាស្ត្រអាណត្តិទី៥នេះ ។
លោកឧត្តមសេនីយ៍ស្នងការបានផ្តាំផ្ញើដល់នាយនគរបាលប៉ុស្តិ៍ទាំងអស់ មិនត្រូវប្រើប្រាស់ម៉ូតូទាំងនេះឱ្យខុសពីគោលដៅរបស់ក្រសួងមហាផ្ទៃដែលបានកំណត់នោះឡើយ។ ក្រោយពីបានទទួលម៉ូតូហើយត្រូវយកចិត្តទុកដាក់ថែរក្សាឱ្យបានល្អដើម្បីប្រើប្រាស់បានយូរ ៕
ចែករំលែកព័តមាននេះ