រាជធានីភ្នំពេញ ៖ មហោស្រពបេតិកភណ្ឌភាពយន្តអន្តរជាតិដែលមានឈ្មោះថា «ការចងចាំ» ដំបូងបង្អស់នៅអាស៊ី ដែលនឹងរៀបចំឡើងនៅក្នុងប្រទេសកម្ពុជាចាប់ពីថ្ងៃទី១ ដល់ថ្ងៃទី១៩ មិថុនា ឆ្នាំ២០១៣ តទៅ ក្នុងរាជធានីភ្នំពេញ ។
មហោស្រពនេះបង្កើតឡើងក្រោមការសហការរវាងស្ថាប័នពាក់ព័ន្ធចំនួន២ គឺមជ្ឈមណ្ឌលបូផាណា និងមូលនិធិ Technicolor នៅប្រទេសបារាំង និងថៃ ទទួលបានការគាំទ្រជាផ្លូវការពីក្រសួងចំនួន៣ គឺក្រសួងវប្បធម៌ និងវិចិត្រសិល្បៈ ក្រសួងព័ត៌មាន និងក្រសួងទេសចរណ៍ ។
កម្មវិធីសំខាន់ៗសម្រាប់មហោស្រពភាពយន្តជាលើកដំបូងនេះ រួមមានការចាក់បញ្ចាំងភាពយន្តបុរាណចំនួន៤០រឿងមកពីជុំវិញពិភពលោក ការរំលឹកខ្សែភាពយន្តជាស្នាព្រហស្តរបស់អតីតព្រះមហាក្សត្រ ព្រះបាទសម្តេច ព្រះនរោត្តម សីហនុ និងកម្មវិធីផ្សេងៗទៀតជាច្រើនផងដែរ ៕
ចែករំលែកព័តមាននេះ