ខេត្តស្ទឹងត្រែង៖បន្ទាប់ពីមានការចុះបង្ក្រាប់ពីសំណាក់សមត្ថកិច្ចចម្រុះបានសម្រេចជាបន្តបន្ទាប់មក ជំនួញឈើគ្រញូងហាក់មានភាពស្ងប់ស្ងាត់ ប៉ុន្តែបែរជាមានពួកឱកាសនិយមកាប់បំផ្លាញព្រៃឈើនៅស្រុកថាឡាបរិវ៉ាត់ នាំចេញទៅឱ្យឈ្មួញឯប្រទេសឡាវ។
បទល្មើសដែលមិនចេះផុតរលត់នៅតែបន្តសកម្មភាពជាមួយការដឹកជញ្ជូនទាំងយប់ទាំងថ្ងៃបណ្ដាលឱ្យគម្រោងអភិឌ្ឍន៍ជនបទមួយចំនួនត្រូវរងការខូចខាតទ្រុឌទ្រោមរាប់សិបកន្លែង។តួយ៉ាងនៅភូមិឆ្វាំង ឃុំសំរោង ប្រភពព័ត៌មានឱ្យដឹងថាមានរថយន្តម៉ាកទួរីសសាំងយ៉ុង ដឹកឈើប្រណីតប្រភេទធ្នង់ជាប្រចាំ រៀងរាល់ថ្ងៃ ដែលទៅទម្លាក់នៅភូមិព្រះរំកិល ស្រុកថាឡាបរិវ៉ាត់ រួចបន្តដាក់តាមទូកឆ្លងទៅលក់ឱ្យឈ្មួញជនជាតិឡាវ៕
ចែករំលែកព័តមាននេះ