ខេត្តប៉ៃលិន ៖ កុមារាម្នាក់បានស្លាប់បាត់បង់ជីវិតគួរឱ្យអាណោចអាធ័ម ខណៈឪពុកម្តាយដឹកតាមម៉ូតូបញ្ជូនទៅសង្គ្រោះនៅមណ្ឌលសុខភាពភ្នំ ព្រាល ក្រោយពីរងរបួសបែកក្បាលធ្ងន់ពេលឪពុកដាក់ឱ្យអង្គុយក្នុងទ្រុងគោ យន្តកន្ត្រៃម្នាក់ឯង ហើយបើកថយក្រោយបម្រុងចេញពីក្រោមផ្ទះ ។ ខណៈនោះដោយសារតែផ្ទះទាបពេក ពេលកុមារារងគ្រោះងើបឈរក៏បណ្តាលឱ្យបុកកៀបក្បាលជាមួយទ្រុងគោ យន្តកន្ត្រៃផ្នែកខាងមុខផ្ទប់ទៅនឹងរនូតផ្ទះ បណ្តាលឱ្យបែកហូរឈាមស្លាប់តែម្តង។
ហេតុការណ៍ដ៏រន្ធត់នេះ បានកើតឡើងកាលពីវេលាម៉ោង៧និង៣០នាទីព្រឹកថ្ងៃទី២៨ ឧសភា នៅផ្ទះរបស់ខ្លួនស្ថិតក្នុងភូមិផ្ទះស្បូវ ឃុំស្ទឹងត្រង់ ស្រុកសាលាក្រៅ ។ កុមារារងគ្រោះឈ្មោះ ហួន បញ្ញា អាយុ៣ឆ្នាំ ឪពុកឈ្មោះ ហួរ ហួន អាយុ៣៨ឆ្នាំ និងម្តាយឈ្មោះ សុខ វណ្ណៈ អាយុ៣២ឆ្នាំ ជាកសិករ មានស្រុកកំណើតនៅស្រុកកោះអណ្តែត ខេត្តតាកែវ សព្វថ្ងៃរស់នៅក្នុងភូមិកើតហេតុខាងលើ គ្រួសារនេះទើបតែមានកូនម្នាក់នេះគត់ ។ ប្រភពព័ត៌មានបានឱ្យដឹងថា នៅព្រឹកថ្ងៃកើតហេតុ ម្តាយកុមារារងគ្រោះកំពុងដាំបាយធ្វើម្ហូបនៅលើផ្ទះ ចំណែកឪពុករបស់គេបានរៀបចំខ្លួនបម្រុងនឹងចុះពីលើផ្ទះមកខាង ក្រោម ដើម្បីបើកគោយន្តកន្ត្រៃចេញពីក្រោមផ្ទះ តែដោយសារកូនប្រុសរបស់គាត់យំតាម ទើបលើកពកូនប្រុសតូចដ៏គួរឱ្យស្រឡាញ់ចុះមកក្រោមផ្ទះជាមួយដែរ ។
មុនពេលទៅបញ្ឆេះគោយន្ត បុរសជាឪពុកបានលើកកូនប្រុសដាក់ឱ្យអង្គុយនៅក្នុងទ្រុងផ្នែកខាង ក្រោយ ជាអកុសល ពេលបើកគោយន្តថយក្រោយចេញពីក្រោមផ្ទះ អត់បានក្រឡេកមើលក្រោយនោះទេ ។ ប្រភពព័ត៌មានដដែលបន្តទៀតថា ពេលនោះកូនប្រុសតូចរបស់គាត់បានងើបឈរតោងទ្រុងគោយន្តខាងមុខ ទើបបណ្តាលឱ្យកៀបក្បាលនឹងរនូតផ្ទះ លុះឪពុកងាកបែរក្រោយមើលក៏ឃើញកូនប្រុសរបស់ខ្លួនបែកក្បាលហូរឈាម គួរឱ្យសង្វេគបាត់ទៅហើយ ។ ខណៈឃើញដូច្នេះឪពុកក៏ស្រឡាំងកាំងស្ទើរតែនិយាយមិនចេញ ទើបខំស្រែកហៅគេឯងឱ្យមកជួយមើល និងលើកបីកូនដាក់លើម៉ូតូប្រញាប់បញ្ជូនទៅសង្គ្រោះនៅមណ្ឌលសុខភាព ភ្នំព្រាល តែដោយសាររបួសធ្ងន់ពេក កូនប្រុសតូចរូបនេះក៏ស្លាប់នៅតាមផ្លូវតែម្តង ។
ប្រភពព័ត៌ មានពីលោករី ដារ៉ា នាយប៉ុស្តិ៍រដ្ឋបាលឃុំស្ទឹងត្រង់ឱ្យដឹងថា នេះគឺជាហេតុការណ៍កើតឡើងដោយចៃដន្យដែលឪពុកកុមារារងគ្រោះនឹក ស្មានមិនដល់ ហើយក៏ជាការខ្វះការប្រុងប្រយ័ត្នផងដែរ ។ លោកបានបន្តទៀតថា សពកុមារារងគ្រោះត្រូវបានឪពុកម្តាយបងប្អូនរៀបចំធ្វើបុណ្យតាម ប្រពៃណី ដោយដង្ហែយកទៅបូជានៅវត្តផ្ទះស្បូវ នាវេលាម៉ោង៤រសៀលថ្ងៃដដែល ។ លោកបានរំលឹកទៀតថា កាលពីប៉ុន្មានខែមុននៅភូមិអូរដូនតាលើ ឃុំស្ទឹងត្រង់ ក៏មានករណីកៀបក្បាលក្មេងតូចនឹងរនូតផ្ទះ ដោយសារគោយន្តកន្ត្រៃដូចគ្នានេះដែរ តែរងរបួសស្រាលមិនប៉ះពាល់ដល់អាយុជីវិត ៕
ចែករំលែកព័តមាននេះ