ADផ្ទាំងផ្សព្វផ្សាយពាណិជ្ជកម្ម

Picture

អាកាសធាតុ​ក្តៅ​ហួតហែង​ ប្រជា​ពលរដ្ឋ​ជិត​១០០០​គ្រួសារ​ប្រឈម​បញ្ហា​ទឹក​ប្រើប្រាស់

2 ខែ មុន
  • ស្ទឹងត្រែង

ខេត្តស្ទឹងត្រែង ​៖ ប្រជាពលរដ្ឋ​​ជិត​១​ពាន់​គ្រួសារ​ប្រឈម​នឹង​បញ្ហា​កង្វះ​ទឹក​ប្រើប្រាស់​ក្នុង​ដំណាក់កាល​នៃ​ការ​ប្រែប្រួល​អាកាសធាតុ​រល​កម្ដៅ​ហក់​ឡើង​ខ្ពស់​ពី​ជាង​៤០​អង្សា​សេ​ ធ្វើឱ្យទឹកស្រះ​អណ្ដូង​រីង​ហួតហែង សូ​ម្បី​តែ​សត្វ​គោ​ក៏​ត្រូវ​ងាប់​ដោយសារ​​ការ​ខ្វះ​ទឹកផឹក​ផង​ដែរ​។ ប្រជាជន​ដែល​ងាយ​រង​គ្រោះ​ដោយសារ​កង្វះ​ទឹក​ប្រើប្រាស់​មុនគេ​បំផុត​នោះ គឺ​ស្រុក​ថា​ឡា​បរិ​វ៉ា​ត់​ក្នុង​ចំណោម៦​ក្រុង​ស្រុក​នៃ​ខេត្តស្ទឹងត្រែង ដែល​មាន​ប្រជាជន​កើនឡើង​ប្រមាណ​ជិត១​ពាន់​គ្រួសារ ប្រសិនបើ​មេឃ​មិន​ភ្លៀង​ធ្លាក់​រយៈពេល​តែ​២-៣​ស​ប្តា​ហ៍​ខាង​មុខ ក្នុង​ខែឧសភា…

ខេត្តស្ទឹងត្រែង ​៖ ប្រជាពលរដ្ឋ​​ជិត​១​ពាន់​គ្រួសារ​ប្រឈម​នឹង​បញ្ហា​កង្វះ​ទឹក​ប្រើប្រាស់​ក្នុង​ដំណាក់កាល​នៃ​ការ​ប្រែប្រួល​អាកាសធាតុ​រល​កម្ដៅ​ហក់​ឡើង​ខ្ពស់​ពី​ជាង​៤០​អង្សា​សេ​ ធ្វើឱ្យទឹកស្រះ​អណ្ដូង​រីង​ហួតហែង សូ​ម្បី​តែ​សត្វ​គោ​ក៏​ត្រូវ​ងាប់​ដោយសារ​​ការ​ខ្វះ​ទឹកផឹក​ផង​ដែរ​។

ប្រជាជន​ដែល​ងាយ​រង​គ្រោះ​ដោយសារ​កង្វះ​ទឹក​ប្រើប្រាស់​មុនគេ​បំផុត​នោះ គឺ​ស្រុក​ថា​ឡា​បរិ​វ៉ា​ត់​ក្នុង​ចំណោម៦​ក្រុង​ស្រុក​នៃ​ខេត្តស្ទឹងត្រែង ដែល​មាន​ប្រជាជន​កើនឡើង​ប្រមាណ​ជិត១​ពាន់​គ្រួសារ ប្រសិនបើ​មេឃ​មិន​ភ្លៀង​ធ្លាក់​រយៈពេល​តែ​២-៣​ស​ប្តា​ហ៍​ខាង​មុខ ក្នុង​ខែឧសភា ឆ្នាំ​២០២៤​នេះ ។​នេះ​បើ​យោង​តាម​ការ​ឲ្យ​ដឹង​ពី​លោក​ម៉ែ​ន គង់ អ្នកនាំពាក្យ​នៃ​រដ្ឋបាល​ខេត្តស្ទឹងត្រែង នៅ​ថ្ងៃ​ទី​៣ ខែឧសភា ឆ្នាំ២០២៤​នេះ ។

លោក​ម៉ែ​ន គង់ បាន​បន្ត​ថា គណៈកម្ម​ការ​គ្រប់គ្រង​គ្រោះ​មហន្តរាយ​ខេត្ត ដែល​មាន​លោក​ស្វាយ សំ​អ៊ា​ង អភិបាល​ខេត្ត​ជា​ប្រធាន បាន​បញ្ជា​ឲ្យ​ក្រុមការងារ និង​អាជ្ញាធរ​ភូមិ ឃុំ ចុះ​ពិនិត្យមើល​ប្រភព​ទឹក​ជាក់ស្តែង​នៅ​តាម​មូលដ្ឋាន​របស់​ខ្លួន ចំពោះ​ប្រភព​ទឹកដែល​អាច​ស្តា ជួសជុល ឬ​កែកុន​យក​មក​ប្រើប្រាស់​ឡើង​វិញ​បាន ដូច​ជា​ស្រះ​ទឹក ត្រពាំង​ទឹក និង​អណ្តូងទឹក​ស្ត​ប់​ជាដើម ។


ជាមួយ​គ្នា​នេះ​ដែរ គណៈកម្មការ​គ្រប់គ្រង​គ្រោះ​មហន្តរាយ ក៏​ត្រៀមខ្លួន​ជា​ស្រេច ដើម្បី​ជួយ​សង្គ្រោះ​ប្រជាជន​ក្នុង​កាលៈទេសៈ​នៃ​រដូវ​រាំង​ស្ងួត​នេះ ដូច​ជា​រថយន្ត​ដឹក​ទឹក គោ​យន្ត រឺ​ម៉ក​ម៉ូតូ អាង​ស្តុក​ទឹក ធុង​ដាក់​ទឹក និង​សម្ភារៈ​មួយ​ចំនួន​ថែម​ទៀត​ផង​ដែរ ។

លោក​ម៉ែ​ន គង់ បន្ត​ថា កន្លង​មក ក្នុង​រដូវក្តៅ​នេះ មាន​សត្វ​គោ​បាន​ងាប់​ប្រមាណ​ជា​១០​ក្បាល​មក​ហើយ ដោយសារ​ខ្វះ​ទឹក ខ្វះ​ចំណី ព្រមទាំង​ខ្វះ​ការ​ថែទាំ​ឲ្យ​បាន​ល្អ​ពី​ម្ចាស់​ថែមទៀត ប៉ុន្តែ​ពុំ​មានតួលេខ​ស្តី​ពី​មនុស្ស​ស្លាប់​នៅឡើយ​ទេ នា​ពេល​បច្ចុប្បន្ន​នេះ ៕

អត្ថបទសរសេរ ដោយ

កែសម្រួលដោយ