ប្រភពពីសមត្ថកិច្ចបានឲ្យដឹងថា ឈើប្រណីតប្រភេទគ្រញូងប្រមាណ១០តោន ត្រូវបានសមត្ថកិច្ចចម្រុះឃាត់ចាប់បានកាលពីម៉ោងប្រមាណ១២យប់ថ្ងៃទី២៥ ឧសភា ២០១៣ នៅចំណុចឃុំសំឡូត ស្រុកសំឡូត ខេត្តបាត់ដំបង ។
ប្រភពបានបញ្ជាក់ទៀតថា រថយន្តដែលដឹកដំឡូងតែបង្កប់គ្រញូងនេះ ត្រូវបានឈ្មួញត្រៀមនំាចេញទៅកាន់ប្រទេសវៀតណាម ។ រថយន្តនេះម៉ាក Fuso ពាក់ស្លាកលេខ កោះកុង 3A-0397 ។
ចំណែកអ្នកបើកបរបានរត់គេចខ្លួនបាត់ នៅក្រោយសមត្ថកិច្ចឃាត់ចាប់ ។ ប្រភពបានបន្តថា ម្ចាស់ឈើគ្រញូងប្រមាណ១០តោននេះ ជាកម្មសិទ្ឋិរបស់អ្នកមានអំណាចម្នាក់ ។ បច្ចុប្បន្នឈើគ្រញូងទំាងនេះ ត្រូវបានសមត្ថកិច្ចយកមករក្សាទុកនៅក្នុងបរិវេណអង្គការ MGP ៕
ចែករំលែកព័តមាននេះ