រាជធានីភ្នំពេញ ៖ លោកនុត ពុធដារ៉ា អភិបាលខណ្ឌដង្កោ បាននាំយកអំណោយសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ទៅចែកជូនប្រជាពលរដ្ឋក្រីក្រចំនួន១០គ្រួសារ កាលពីវេលាព្រឹកថ្ងៃទី២២ ឧសភា ឆ្នាំ២០១៣ ស្ថិតក្នុងសង្កាត់ក្រាំងពង្រ ខណ្ឌដង្កោ រាជធានីភ្នំពេញ ។
អំណោយដែលនាំទៅចែកជូនប្រជាពលរដ្ឋមានចំនួន១០គ្រួសារ ដោយក្នុង១គ្រួសារៗទទួលបានអង្ករ២៥គីឡូក្រាម មី១កេស ទឹកត្រី១យួរ ទឹកស៊ីអុីវ១យួរ ទឹកដោះគោ២កំប៉ុង ទឹកក្រូច៥កំប៉ុង ស្ករស២កញ្ចប់ តែ៣កញ្ចប់ ធុងយួរជ័រ១ ឆ្នាំងបាយ១ និងថវិកា១០ម៉ឺនរៀល ។
នៅក្នុងឱកាសនោះផងដែរ លោកនុត ពុធដារ៉ា ក៏បានសំណេះសំណាលជាមួយប្រជាពលរដ្ឋ ដោយលោកបានពាំនាំនូវការសាកសួរសុខទុក្ខពីសំណាក់សម្តេចតេជោ និងសម្តេចកិត្តិព្រឹទ្ធបណ្ឌិតជូនដល់ប្រជាពលរដ្ឋ ពិសេសបងប្អូនដែលជួបការលំបាកនានានៅទូទាំងប្រទេស ៕
ចែករំលែកព័តមាននេះ