ខេត្តតាកែវ ៖ រថយន្តហីុយ៉ាន់ដាយដឹកផ្លែដូង បានរេចង្កូតធ្លាក់ទៅក្នុងប្រឡាយទឹក ខណៈកំពុងតែបើកនៅតាមផ្លូវក៏វាក់នឹងរថយន្តធំ១គ្រឿងទៀតដែលបើកបញ្ច្រាសទិសគ្នា ទើបអ្នកបើកបរព្យាយាមបួងចង្កូតជ្រុលទៅធ្លាក់ប្រឡាយដេកត្រាំទឹកតែម្តង។ ហេតុការណ៍គ្រោះថ្នាក់នេះកើតឡើងនៅតាមបណ្តោយផ្លូវវៀងខេត្ត កាលពីថ្ងៃទី៩ មេសា វេលាម៉ោង១១និង៣០នាទីយប់ក្នុងភូមិ
ខេត្តតាកែវ ៖ រថយន្តហីុយ៉ាន់ដាយដឹកផ្លែដូង បានរេចង្កូតធ្លាក់ទៅក្នុងប្រឡាយទឹក ខណៈកំពុងតែបើកនៅតាមផ្លូវក៏វាក់នឹងរថយន្តធំ១គ្រឿងទៀតដែលបើកបញ្ច្រាសទិសគ្នា ទើបអ្នកបើកបរព្យាយាមបួងចង្កូតជ្រុលទៅធ្លាក់ប្រឡាយដេកត្រាំទឹកតែម្តង។ ហេតុការណ៍គ្រោះថ្នាក់នេះកើតឡើងនៅតាមបណ្តោយផ្លូវវៀងខេត្ត កាលពីថ្ងៃទី៩ មេសា វេលាម៉ោង១១និង៣០នាទីយប់ក្នុងភូមិប្រហ៊ូត សង្កាត់រកាក្រៅ ក្រុងដូនកែវ ។
មន្ត្រីប៉ូលិសចរាចរក្រុងដូនកែវបានឱ្យដឹងថា រថយន្តដឹកទំនិញដែលបើកធ្លាក់ផ្លូវនេះម៉ាកហ៊ីយ៉ាន់ដាយ ចំណុះ៥តោនពាក់ស្លាកលេខ3A-4870 ភ្នំពេញ ។ អ្នកបើកបរឈ្មោះ លាង គឹមអាង ភេទប្រុស អាយុជាង២០ឆ្នាំ រស់នៅក្នុងខណ្ឌដង្កោ ក្រុងភ្នំពេញ ។
ប្រភពបន្តថា មុនពេលកើតហេតុរថយន្តបានដឹកផ្លែដូងមកពីត្បូងទៅជើងសំដៅទៅភ្នំពេញ លុះមកដល់ចំណុចកើតហេតុនោះ ក៏វាក់គ្នាជាមួយរថយន្តធុនធំមួយគ្រឿងទៀតបើកបរបញ្ច្រាសទិសគ្នាចំពីមុខ ទើបអ្នកបើកបរព្យាយាមគេចរថយន្តនោះក៏ធ្លាក់ទៅក្នុងប្រឡាយទឹកតែម្តង ។ ករណីនេះមិនបណ្តាលឱ្យមានអ្នករងរបួសឬស្លាប់ឡើយ ។
ប្រភពដដែលបានបញ្ជាក់ថា ក្រោយពេលកើតហេតុ កម្លាំងប៉ូលិសចរាចរក្រុងដូនកែវមកពិនិត្យនិងដេកយាមអស់មួយយប់ ។ លុះព្រឹកថ្ងៃទី១០ មេសា ទើបមានមនុស្សយករថយន្ត១គ្រឿងទៀត លើកផ្លែដូងផ្ទេរដាក់រួចដឹកបន្តទៅលក់នៅភ្នំពេញ ឯរថយន្តដែលដេកត្រាំទឹកត្រូវម្ចាស់យករថយន្តស្ទូចមកលើកចេញពីក្នុងប្រឡាយផងដែរ ៕
ចែករំលែកព័តមាននេះ