រាជធានីភ្នំពេញ ៖ កម្មករសំណង់ម្នាក់ត្រូវក្រុមជើងកាងស្រីនៅតំបន់ត្រឡោកបែកព្រួតគ្នាវាយស្លា.ប់នៅនឹងកន្លែង ខណៈនាំបងប្អូនមកហៅបងប្រុសដែលកំពុងផឹកកាហ្វេឱ្យត្រឡប់ទៅផ្ទះវិញ ហើយត្រូវម្ចាស់ហាងចោទថា មកអុកឡុកស្រែកបញ្ជាឱ្យជើងកាងវាយសម្លា.ប់។
អំពើហិ.ង្សានេះបានកើតឡើងកាលពីវេលាម៉ោង៨និង១៥នាទីយប់ថ្ងៃទី៧ មេសា ២០១៣ នៅមុខហាងកាហ្វេលួចលាក់បម្រើផ្លូវភេទ
រាជធានីភ្នំពេញ ៖ កម្មករសំណង់ម្នាក់ត្រូវក្រុមជើងកាងស្រីនៅតំបន់ត្រឡោកបែកព្រួតគ្នាវាយស្លាប់នៅនឹងកន្លែង ខណៈនាំបងប្អូនមកហៅបងប្រុសដែលកំពុងផឹកកាហ្វេឱ្យត្រឡប់ទៅផ្ទះវិញ ហើយត្រូវម្ចាស់ហាងចោទថា មកអុកឡុកស្រែកបញ្ជាឱ្យជើងកាងវាយសម្លាប់។
អំពើហិង្សានេះបានកើតឡើងកាលពីវេលាម៉ោង៨និង១៥នាទីយប់ថ្ងៃទី៧ មេសា ២០១៣ នៅមុខហាងកាហ្វេលួចលាក់បម្រើផ្លូវភេទ ស្ថិតនៅផ្ទះលេខ៨ ផ្លូវលេខ៥៩៨ តំបន់ត្រឡោកបែក ក្នុងសង្កាត់បឹងកក់ទី២ ខណ្ឌទួលគោក ដែលបង្កឡើងដោយក្រុមយុវជនកាងស្រីប្រមាណជិត១០នាក់។ កម្មករសំណង់ដែលត្រូវគេវាយស្លាប់ឈ្មោះលីវ ប៉ូ ភេទប្រុស អាយុ២២ឆ្នាំ មានទីលំនៅផ្ទះជួល សង្កាត់ទំនប់ទឹក ខណ្ឌចំការមន ត្រូវក្រុមកាងស្រីចោមរោមវាយស្លាប់នៅនឹងកន្លែង។
តាមព័ត៌មានឱ្យដឹងថា មុនពេលកើតហេតុជនរងគ្រោះរួមទាំងបងស្រី និងមិត្តភក្កិបងស្រីបានជិះម៉ូតូមួយគ្រឿងនាំគ្នាទៅហៅឈ្មោះលីវ ពិសី ដែលត្រូវជាបងសព។ នៅពេលទៅហៅស្រ្តីជាបងបានស្រែកណែនាំប្អូនខ្លាំងៗ ហើយត្រូវម្ចាស់ហាងកាហ្វេស្រែកកុំចង់បង្ករឿងឡូឡាកន្លែងនឹង ពេលនោះឈ្មោះលីវ ប៉ូ បានដើរចេញឡើងជិះម៉ូតូ ត្រូវស្រ្តីជាម្ចាស់ហាងស្រែកបញ្ជាឱ្យក្រុមជើងកាងមកវាយសម្លាប់។ តាមព័ត៌មានឱ្យដឹងទៀតថា ក្រុមយុវជនប្រមាណជិត១០នាក់ ដែលគេស្គាល់ថាជាក្រុមកាងស្រីនៅតំបន់ត្រឡោកបែកដែលនៅហាងកាហ្វេមួយទៀតនៅជាប់នោះបាននាំគ្នាចេញមកវាយរហូតស្លាប់ហើយគេចខ្លួនបាត់។ ទោះបីជាយ៉ាងណាជនដៃដល់ត្រូវប៉ូលិសស្គាល់អត្តសញ្ញាណហើយ។ នៅយប់នោះប៉ូលិសខណ្ឌទួលគោក និងប៉ូលិសប៉ុស្តិ៍បានដេញចាប់ក្រុមជនដៃដល់ធ្លាក់បឹងកំប្លោករត់ចោលម៉ូតូម៉ាកអាយខុនមួយគ្រឿង ៕
ចែករំលែកព័តមាននេះ