ខេត្តស្ទឹងត្រែង ៖ យុវជន៣នាក់បានរងរបួសខណៈបើកម៉ូតូជ្រុលបុកពេញទំហឹងនៅវេលាម៉ោង៦និង១៦នាទីល្ងាចថ្ងៃទី៤ មេសា ស្ថិតក្នុងភូមិលើ សង្កាត់ស្រះឫស្សី ក្រុងស្ទឹងត្រែង ទល់មុខហាងលក់គោដុតរស្មីពេជ្រ ។សាក្សីនិយាយថា ម៉ូតូឌ្រីមសេ១២៥ ស៊េរី២០១២ ពណ៌ខ្មៅ អត់ស្លាកលេខ ជិះគ្នា២នាក់មកទិញសាច់គោដុត បន្ទាប់ពីទិញរួចបានជិះម៉ូតូបត់ត្រឡប់ក្រោយក្នុងល្បឿនលឿន
ខេត្តស្ទឹងត្រែង ៖ យុវជន៣នាក់បានរងរបួសខណៈបើកម៉ូតូជ្រុលបុកពេញទំហឹងនៅវេលាម៉ោង៦និង១៦នាទីល្ងាចថ្ងៃទី៤ មេសា ស្ថិតក្នុងភូមិលើ សង្កាត់ស្រះឫស្សី ក្រុងស្ទឹងត្រែង ទល់មុខហាងលក់គោដុតរស្មីពេជ្រ ។សាក្សីនិយាយថា ម៉ូតូឌ្រីមសេ១២៥ ស៊េរី២០១២ ពណ៌ខ្មៅ អត់ស្លាកលេខ ជិះគ្នា២នាក់មកទិញសាច់គោដុត បន្ទាប់ពីទិញរួចបានជិះម៉ូតូបត់ត្រឡប់ក្រោយក្នុងល្បឿនលឿន ក៏ជ្រុលទៅបុកម៉ូតូវ៉េវពណ៌ក្រហម ពាក់ស្លាកលេខស្ទឹងត្រែង 1A-3921 ជិះម្នាក់ឯងក្នុងគោលដៅពីកើតទៅលិចបញ្ច្រាសទិសគ្នាពេញទំហឹង បណ្តាលឱ្យយុវជនទាំង៣នាក់ដេកដួលក្នុងសភាពធ្ងន់ធ្ងររៀងខ្លួន រថយន្តសង្គ្រោះដឹកទៅមន្ទីរពេទ្យ ។
លោកណាវ វន្នី នាយរងការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តស្ទឹងត្រែងឱ្យដឹងនៅព្រឹកថ្ងៃទី៥ មេសា ថា ជនរងគ្រោះ១-ឈ្មោះ ស៊ី ដេតចំរើន អាយុ២៣ឆ្នាំ រស់នៅភូមិថ្មលាភ សង្កាត់ស្រះឫស្សី ក្រុងស្ទឹងត្រែង បើកម៉ូតូម៉ាកវ៉េវពណ៌ក្រហមម្នាក់ឯងរងរបួសធ្ងន់ ២-ឈ្មោះ មាស សុភ័ក្ត្រ អាយុ២៤ឆ្នាំ រស់នៅភូមិលើ សង្កាត់ស្រះឫស្សី ជាជាងជួសជុលទូរស័ព្ទ របួសធ្ងន់ និង៣-ឈ្មោះ ញិល ភារិត អាយុ២៤ឆ្នាំ រស់នៅភូមិព្រែក សង្កាត់ស្ទឹងត្រែង របួសស្រាល។
លោកនាយរងការិយាល័យបានបញ្ជាក់ថា ក្នុងករណីខាងលើជំនាញនៅមិនទាន់សន្និដ្ឋានថា ភាគីខាងណាខុសឬត្រូវនៅឡើយទេ ដោយសារភាគីទាំងសងខាងកំពុងសម្រាកព្យាបាលនៅមន្ទីរពេទ្យ ៕
ចែករំលែកព័តមាននេះ