នារីគន្ធាត់ថៃទំងន់274គ.ក្រចេញពីផ្ទះនៅបាងកកលើកដំបូងចាប់តាំងពី3ឆ្នាំមកហើយ
ដោយ ៖ ប្រុសកោះ
ថ្ងៃសុក្រ ទី២៧ ខែសីហា ឆ្នាំ២០១០ ម៉ោង ១០:៣៤
គេហទំព័របរទេស
ទិដ្ឋភាពនៃការស្ទូចដាក់នារីធាក់ចេញពីផ្ទះ
ជាលើកដំបូងចាប់តាំងពី៣ឆ្នាំ មកហើយ ដែលនាងអ៊ុំ នូអៃយ៉ាពន តុងប្រាប៉ៃ ជានារីកន្ធាត់មានទំងន់ដល់ទៅ២៧៤គីឡូក្រាម អាចចេញពីក្នុងផ្ទះរបស់នាងនៅក្រុងបាងកកកាលពីថ្ងៃទី២៦ សីហា ។ បណ្តាអ្នករស់នៅជិតខាងនារីអាយុ៤០ឆ្នាំរូបនេះ បានជួយទាក់ទងសាលាក្រុងបាងកកក្រោយពីពួកគេដឹងថា នាងត្រូវការជំនួយពេទ្យ ដើម្បីវះកាត់យកដុំសាច់ដុះនៅត្រង់ភ្លៅគាត់ចេញ ។ អភិបាលក្រុងបាងកក លោក SUKHUMBHAND PARIBATRA បានហៅប្រមូលកាលពីថ្ងៃទី២៦ សីហា នូវសារព័ត៌មាន និងបណ្តាអ្នកថតទូរទស្សន៍ឱ្យមកយកព័ត៌មាន និងរូបភាពនៃការនាំយកនារីដ៏សែនធាត់នេះចេញពីផ្ទះតាមរយៈឡានស្ទូចមួយ ។
នារីនេះបានប្រាប់បណ្តាអ្នកកាសែតពីស្ថានភាពសុខភាពរបស់គាត់ ដែលស្ថិតនៅតែក្នុងផ្ទះដែលគាត់បើកហាងបោកគក់មួយជាមួយជំនួយពួកកូនៗគាត់ ។ គាត់និយាយថា គាត់ខានចេញក្រៅផ្ទះរយៈពេល៣ឆ្នាំមកហើយ ។ ខ្ញុំអាចដើរបានតិចៗ តែត្រូវពឹងកូនប្រុសជួយទប់ ។
យោងតាមលោកពីហ្សាយ៉ា ណាហ្គា វេចារ៉ា នាយកមន្ទីរពេទ្យ BMA GENERAL HOSPITAL ជាកន្លែងដែលគេនាំនារីនេះទៅថា គាត់នឹងទទួលការវះកាត់ ហើយនិងការព្យាបាលជំងឺធាត់ ៕
