តែ «ហ្គេកហួយ» បំបាត់ធាតុក្តៅនៅក្នុងខ្លួន
ដោយ ៖ សាម៉ន
ថ្ងៃពុធ ទី១៨ ខែសីហា ឆ្នាំ២០១០ ម៉ោង ១៥:១៨
គេហទំព័របរទេស
តែ «ហ្គេកហួយ»
«ហ្គេកហួយ» ជាប្រភេទតែម្យ៉ាងដែលគេនិយមប្រើនៅក្នុងប្រទេសចិន ធាតុពិតតែហ្គេកហួយមានប្រយោជន៍ដល់រាងកាយយ៉ាងច្រើនដូចជា៖
-ហ្គេកហួយធ្វើឱ្យខ្លួនប្រាណត្រជាត់ ៖ តែហ្គេកហួយជួយបណ្តេញកំដៅក្នុងខ្លួន បណ្តេញខ្យល់ និងញើសជាពិសេស វាជាប្រភេទតែម្យ៉ាងជួយបំបាត់អាការក្តៅក្នុងខ្លួន ។
-ហ្គេកហួយផ្កាពណ៌លឿងមានសារធាតុ«ខេរ៉ូទីនអល» ៖ ជាប្រភេទសារធាតុម្យា៉ងជួយទ្រទ្រង់ក្រសែភ្នែក ប៉ូវថ្លើម បំបាត់អាការគ្រុនផ្តាសាយ កាត់បន្ថយអាការឈឺក្បាល វិលមុខ និងងងឹតមុខជាដើម ។
-តែហ្គេកហួយផ្កាពណ៌ស មានគុណសម្បត្តិបំបាត់អាការក្តៅក្នុងខ្លួន ៖ ប្រសិនបើមានការប្រើប្រាស់រួមជាមួយស្លឹកផ្ទី និងជីរនាងវង ជួយបំបាត់អាការក្អក និងមានសារធាតុទំនុកបំរុងដល់សួតទៀតផង ។
-ផ្កាតែហ្គេកហួយមានសារធាតុអាសីុតជួយដល់សរសៃឈាម ៖ ផ្កាតែហ្គេកហួយមានសារធាតុអាស៊ីតអាមីណូ សារធាតុសេនទីមីន សារធាតុអាឌីមីន និងប្រេងក្រអូបជួយព្យាបាល និងអាការជំងឺសរសៃឈាមបេះដូងស្ពាធ ជួយពង្រីកសរសៃឈាម កាត់បន្ថយអាការបេះដូងខ្សោយ។
-តាមរយៈការស្រាវជ្រាវបានបង្ហាញឱ្យឃើញថា សារធាតុដែលចំរាញ់ចេញពីតែហ្គេកហួយមានគុណសម្បត្តិជួយទប់ស្កាត់ជំងឺវីរុស HIV ទៀតផង ៕
