ក្នុងការស្ទាបស្ទង់មតិលើកទី២ កាលពីសបា្ដហ៍មុនបង្ហាញថា
ប្រជាប្រិយភាពរបស់ប្រធានាធិបតីអាមេរិក លោកបារ៉ាក់ អូបាម៉ា បានធ្លាក់មកដល់ក្រោម៥០%ហើយ ។ យោងតាមការស្ទាបស្ទង់មួយរបស់វិទ្យាស្ថាន GALLUP ចេញផ្សាយជាសាធារណៈកាលពីថ្ងៃទី២០ វិច្ឆិកា កន្លងមកនេះ ថា មនុស្ស៤៩% ដែលគេសាកសួរសំដែងការគាំទ្រចំពោះសកម្មភាព របស់ប្រធានាធិបតី ដែលចូលកាន់តំណែងកាលពីខែមករា កន្លងមកនេះ។ ការស្ទាបស្ទង់នេះធ្វើឡើង២ថ្ងៃ ក្រោយការស្ទាប ស្ទង់មតិមួយទៀតធ្វើឡើងដោយសាកលវិទ្យាល័យ QUINNIPIAC ដែលអះអាងថាប្រជាប្រិយភាពរបស់ លោកអូបាម៉ា នៅត្រឹម៤៨%។ នេះជាលើកទីមួយហើយ ដែលប្រជាប្រិយភាពរបស់លោក អូបាម៉ា ធ្លាក់ ក្រោម៥០% ក្នុងការស្ទាបស្ទង់មតិទាំង២នេះ។ ពេលចូលកាន់សេតវិមានភ្លាម ពលរដ្ឋអាមេរិក ដល់ទៅ ប្រមាណជា៧០% សំដែងការគាំទ្រចំពោះលោកអូបាម៉ា ។ ជាបន្ដបន្ទាប់ប្រជាប្រិយភាពលោកធ្លាក់មកនៅ លើសពី៥០%បន្ដិច តែពុំធ្លាប់ធ្លាក់ក្រោមពី៥០%ឡើយ
ចែករំលែកព័តមាននេះ