ខេត្តកំពង់ចាម ៖ យោងតាមបទបញ្ជារបស់លោកឧត្តសេនីយ៍ត្រីឆាយ គឹមសុន ស្នងការនគរបាលខេត្ត និងលោកវរសេនីយ៍ឯកអេង ហឿង ស្នងការនគរបាលខេត្ត ទទួលផែនសណ្តាប់ធ្នាប់ បានចាត់ឱ្យកម្លាំងក្រោមឱវាទយកចិត្តទុកដាក់ត្រួតពិនិត្យអាវុធជាតិផ្ទុះ និងជាតិអាល់កុល ដើម្បីកាត់បន្ថយបទល្មើសព្រហ្មទណ្ឌ និងគ្រោះថ្នាក់ចរាចរ ។ ជាក់ស្តែងនៅវេលាម៉ោង៩ និង១០
ខេត្តកំពង់ចាម ៖ យោងតាមបទបញ្ជារបស់លោកឧត្តសេនីយ៍ត្រីឆាយ គឹមសុន ស្នងការនគរបាលខេត្ត និងលោកវរសេនីយ៍ឯកអេង ហឿង ស្នងការនគរបាលខេត្ត ទទួលផែនសណ្តាប់ធ្នាប់ បានចាត់ឱ្យកម្លាំងក្រោមឱវាទយកចិត្តទុកដាក់ត្រួតពិនិត្យអាវុធជាតិផ្ទុះ និងជាតិអាល់កុល ដើម្បីកាត់បន្ថយបទល្មើសព្រហ្មទណ្ឌ និងគ្រោះថ្នាក់ចរាចរ ។ ជាក់ស្តែងនៅវេលាម៉ោង៩ និង១០នាទីយប់ថ្ងៃទី២២ ធ្នូ ២០១២ បានឃាត់ជនសង្ស័យម្នាក់ឈ្មោះវឿនណាង ភេទប្រុស អាយុ១៧ឆ្នាំ រស់នៅភូមិបង្កូវ ឃុំទ្រៀក ស្រុកមេមត់ ត្រូវបានឃាត់ខ្លួននៅលើកំណាត់ផ្លូវជាតិលេខ៧ ត្រង់ភូមិស្រែសៀម ឃុំជីរោទិ៍ទី២ ស្រុកត្បូងឃ្មុំ ពីបទជិះម៉ូតូមិនពាក់មួកសុវត្ថិភាព ស្រាប់តែធ្លាយរឿងបៀតបៀនកេរ្តិ៍ខ្មាសមួយករណីទៀត ។
លោកវរសេនីយ៍ត្រីហ៊ាង ហ៊ត់ អធិការនគរបាលស្រុកត្បូងឃ្មុំ បានមានប្រសាសន៍ថា ខណៈកម្លាំងនគរបាលចុះត្រួតពិនិត្យការអនុវត្តច្បាប់ចរាចរនៅវេលាម៉ោង៩ និង១៥នាទីយប់ បានប្រទះឃើញម៉ូតូ១គ្រឿងម៉ាកឌ្រីម C125 ពណ៌ខ្មៅ ស៊េរី២០១០ បើកពីកើតទៅលិច តាមបណ្តោយផ្លូវជាតិ ។ ស្របពេលជិះមកដល់កន្លែងសមត្ថកិច្ចដាក់កម្លាំងត្រួតពិនិត្យនៅមុខប៉ុស្តិ៍រដ្ឋបាលឃុំជីរោទិ៍ទី២នោះ ក៏ហៅឱ្យឈប់ពីបទបើកម៉ូតូមិនពាក់មួកសុវត្ថិភាព និងមិនដាក់កញ្ចក់ទៀត ។ ពេលនោះសមត្ថកិច្ចមានការសង្ស័យដោយឃើញស្ពាយបាឡូ១ ដាក់ខោអាវសើម៣-៤កំប្លេរ ក៏បាននាំមកកាន់អធិការដ្ឋាននគរបាលស្រុកត្បូងឃ្មុំតែម្តង ។ ក្រោយពីបានសួរនាំក៏ធ្លាយពីរឿងសមាសភាពក្រុមបងធំ និងបានប្រព្រឹត្តនូវទង្វើបៀតបៀនកេរ្តិ៍ខ្មាសនៅខាងឃុំទ្រៀក ស្រុកមេមត់ឯណោះ ។ ជនសង្ស័យរូបនេះនៅព្រឹកថ្ងៃទី២៣ ធ្នូ ក៏បានប្រគល់ឱ្យទៅខាងនគរបាលស្រុកមេមត់ ដើម្បីចាត់ការតាមនីតិវិធី ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ