រាជធានីភ្នំពេញ ៖ ចោរមួយក្រុមចូលទៅលួចគោ២ក្បាលរបស់ប្រជាពលរដ្ឋនៅក្នុងភូមិស្មាពួន ឃុំជើងកែប ស្រុកកណ្តាលស្ទឹង ខេត្តកណ្តាល យកទៅសម្លា.ប់បម្រុងពន្លះយកសាច់នៅក្នុងព្រៃដើមអាកាស្យា ស្ថិតក្នុងភូមិក្រាំងស្វាយ សង្កាត់ព្រែកកំពឹស ខណ្ឌដង្កោ ចម្ងាយប្រមាណ៥០០ម៉ែត្រពីផ្លូវជាតិលេខ២ កាលពីវេលាម៉ោង១០និង៣០នាទីយប់ថ្ងៃទី៥ សីហា ២០១២ តែត្រូវម្ចាស់តាមទាន់ ។
រាជធានីភ្នំពេញ ៖ ចោរមួយក្រុមចូលទៅលួចគោ២ក្បាលរបស់ប្រជាពលរដ្ឋនៅក្នុងភូមិស្មាពួន ឃុំជើងកែប ស្រុកកណ្តាលស្ទឹង ខេត្តកណ្តាល យកទៅសម្លាប់បម្រុងពន្លះយកសាច់នៅក្នុងព្រៃដើមអាកាស្យា ស្ថិតក្នុងភូមិក្រាំងស្វាយ សង្កាត់ព្រែកកំពឹស ខណ្ឌដង្កោ ចម្ងាយប្រមាណ៥០០ម៉ែត្រពីផ្លូវជាតិលេខ២ កាលពីវេលាម៉ោង១០និង៣០នាទីយប់ថ្ងៃទី៥ សីហា ២០១២ តែត្រូវម្ចាស់តាមទាន់ ។
ខ្មោចគោ២ក្បាលនេះត្រូវបានគេប្រទះឃើញនៅក្នុងព្រៃខាងលើ បន្ទាប់ពីម្ចាស់គោបានបាត់គោពីក្រោមផ្ទះកាលពីវេលាម៉ោង៨យប់ថ្ងៃទី៥ កញ្ញា ហើយបានស្វះស្វែងរកគ្រប់ទីកន្លែង ស្រាប់តែមកប្រទះឃើញខ្មោចគោ២ក្បាលត្រូវក្រុមចោរលួចយកទៅសម្លាប់ប្រុងកាប់សាច់លក់នៅក្នុងព្រៃក៏បានស្រែកឆោឡោផ្អើលអ្នកស្រុកទាំងយប់ ។
បុរសឈ្មោះពួន ម៉ៅ អាយុ៣៧ឆ្នាំ ជាម្ចាស់គោបានឱ្យដឹងថា កាលពីព្រលប់ថ្ងៃកើតហេតុនោះគាត់បានចងមេគោដែលមានទម្ងន់ជិតគ្រប់ខែកើតកូននៅក្នុងក្រោលក្រោយផ្ទះ រួចឡើងទៅមើលទូរទស្សន៍រហូតចប់រឿង ទើបគាត់ចុះពីលើផ្ទះយកស្មៅមកដាក់ឱ្យគោស៊ី ប៉ុន្តែអត់ឃើញមេគោក្នុងទ្រុងមិនដឹងបាត់ទៅទីណា ។ ភ្លាមៗគាត់បានស្រែកហៅបងប្អូនអ្នកជិតខាងឱ្យទៅជួយរកមេគោផង ដោយដើរតាមដានគោរហូតដល់ក្នុងព្រៃមានចម្ងាយពីផ្ទះប្រមាណ៥គីឡូម៉ែត្រ ក៏ប្រទះឃើញខ្មោចគោដែលចាក់.កកាប់ពន្លះជើងអស់មួយក្បាល រួចច្របាច់ពិលរកមើលខ្លាចក្រុមចោរពួននៅជិតនោះ ស្រាប់តែប្រទះឃើញគោមួយក្បាលទៀតចាក់.កវះពោះកាត់ជើងបានពីរមិនទាន់ពន្លះសាច់ទេ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ