រាជធានីភ្នំពេញ ៖ បុរសម្នាក់ត្រូវប៉ូលិសឃាត់ខ្លួន ខណៈខឹងប្រពន្ធស្តីបន្ទោសរឿងដើរផឹកស៊ីប្រុងដុតម៉ូតូ និងផ្ទះចោលកាលពីវេលាម៉ោង៩និង៣០នាទីយប់ថ្ងៃទី២ សីហា ២០១២ នៅផ្ទះស្ថិតក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ។
បុរសជាប្តីដែលត្រូវប៉ូលិសនាំយកទៅប៉ុស្តិ៍រដ្ឋបាលសង្កាត់ទឹកថ្លា ខណ្ឌសែនសុខទាំងយប់ ដើម្បីសួរនាំនេះឈ្មោះជា សុវណ្ណៈ អាយុ២៧ឆ្នាំ ស្នាក់នៅភូមិខាងលើ។ ចំណែកស្ត្រីជាប្រពន្ធឈ្មោះស្រី ផា អាយុ២៤ឆ្នាំ ប្រាប់ឱ្យដឹងថាសព្វថ្ងៃនាង និងប្តីរស់នៅមិនសូវចុះសម្រុងនឹងគ្នាទេ បើទោះបីជាមានមុខរបរបើកធ្វើសិប្បកម្មផ្សាដែកមានកម្មករច្រើនយ៉ាងណាក៏ដោយ ប៉ុន្តែគ្មានសុភមង្គលក្នុងគ្រួសារឡើយ។ ស្ត្រីបន្តទៀតថា ជារៀងរាល់ថ្ងៃប្តីចេះតែដើរផឹកស៊ីជាប់រហូតមិនគិតពីមុខរបររកស៊ីនោះទេ ហើយមុនពេលប្តីប្រើហិង្សារកដុតផ្ទះនិងម៉ូតូ ព្រោះតែខឹងនាងស្តីបន្ទោសរឿងដើរផឹកស៊ីមិនគិតពីមុខរបររកស៊ីប្រចាំថ្ងៃនោះ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ