រាជធានីភ្នំពេញ ៖ នារីខារ៉ាអូខេ២នាក់រវល់តែឈ្លោះប្រកែកប្រវាយប្រតប់គ្នាទៅវិញទៅមកត្រូវជនឆ្លៀតឱកាសលួចបន្លំយកកាបូបស្ពាយរបស់នារីម្នាក់ទៅបាត់ ដោយនៅក្នុងកាបូបនោះមានដាក់ទូរស័ព្ទដៃមួយគ្រឿងលុយមួយចំនួន និងសោបន្ទប់ស្នាក់នៅធ្វើឱ្យនាងដាក់គូទ
រាជធានីភ្នំពេញ ៖ នារីខារ៉ាអូខេ២នាក់រវល់តែឈ្លោះប្រកែកប្រវាយប្រតប់គ្នាទៅវិញទៅមកត្រូវជនឆ្លៀតឱកាសលួចបន្លំយកកាបូបស្ពាយរបស់នារីម្នាក់ទៅបាត់ ដោយនៅក្នុងកាបូបនោះមានដាក់ទូរស័ព្ទដៃមួយគ្រឿងលុយមួយចំនួន និងសោបន្ទប់ស្នាក់នៅធ្វើឱ្យនាងដាក់គូទអង្គុយយំតែម្តង ។ ហេតុការណ៍នេះកើតឡើងកាលពីវេលាម៉ោង៣និង២៥នាទីរំលងអធ្រាត្រឈានចូលថ្ងៃទី២២ កក្កដា តាមបណ្តោយមហាវិថីម៉ៅសេទុង ស្ថិតក្នុងសង្កាត់បឹងសាឡាង ខណ្ឌទួលគោក ។
នារីដែលត្រូវជនឆ្លៀតឱកាសលួចយកកាបូបនោះឈ្មោះស្រីពៅ អាយុ២៥ឆ្នាំ ជាបុគ្គលិកបម្រើការនៅហាងខារ៉ាអូខេឡឺវីស ស្នាក់នៅបន្ទប់ជួលលេខ៣៣ ស្ថិតក្នុងសង្កាត់បឹងសាឡាង ខណ្ឌទួលគោក មានស្រុកកំណើតនៅខេត្តកំពង់ចាម ។ ចំណែកនារីម្នាក់ទៀតដែលឈ្លោះប្រកែកគ្នានោះមិនបានប្រាប់ឈ្មោះទេ នាងធ្វើការជាមួយគ្នា និងស្នាក់នៅបន្ទប់ជួលជិតគ្នាទៀត បន្ទាប់ពីប្រវាយប្រតប់គ្នាហើយនាងបានរត់គេចចូលទៅកន្លែងស្នាក់នៅបាត់ ។ ទោះបីជាយ៉ាងណា ទាក់ទិននឹងហេតុការណ៍នេះនារីទាំង២នាក់បានព្យាយាមលាក់លៀមមិនប្រាប់ពីមូលហេតុនៃការឈ្លោះប្រកែកគ្នាទេ សូម្បីតែថតរូបក៏បានហាមឃាត់មិនឱ្យថតដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ