រាជធានីភ្នំពេញ ៖ ឧប្បត្តិហេតុគ្រោះថ្នាក់ចរាចរណ៍ដ៏រន្ធត់មួយបានកើតឡើងកាលពីវេលាម៉ោង១១និង៣០នាទីព្រឹកថ្ងៃទី១៧ កក្កដា លើកំណាត់ផ្លូវជាតិលេខ២ មុខរោងចក្រកាត់ដេរ M&V ស្ថិតក្នុងភូមិទួលរកា សង្កាត់ចាក់អង្រែក្រោម ខណ្ឌមានជ័យ ។
តាមព័ត៌មានជំហានដំបូងបានឱ្យដឹងថា រថយន្តកូរ៉េ ពណ៌ខៀវ ដឹកស្ករសបានបុករថយន្តកូរ៉េ ពណ៌ស ដឹកកម្មករបណ្តាលឱ្យជ្រុលទៅបុកម៉ូតូឌ្រីមសេ១២៥ ពណ៌ខ្មៅ ដែលមានអ្នកជិះ៣នាក់ បណ្តាលឱ្យស្លាប់២នាក់ និងរបួសធ្ងន់ម្នាក់ ។ ដោយឡែកម៉ូតូគុបក៏ត្រូវបានបុកដែរ បណ្តាលឱ្យស្លាប់ម្នាក់ដែរសរុបស្លាប់៣នាក់ របួសធ្ងន់ម្នាក់នៅកន្លែងកើតហេតុ ។ ក្នុងចំណោមអ្នកស្លាប់មានស្ត្រី២នាក់ផងដែរ ។
មូលហេតុនៃការបុកគ្នានេះ តាមប្រភពព័ត៌មានជំហានដំបូងមិនទាន់ផ្លូវការនៅឡើយថាបណ្តាលមកពីរថយន្តកូរ៉េដឹកអង្ករដាច់កាឡេ ។ ដោយសារតែគ្រោះថ្នាក់ចរាចរណ៍នេះ បណ្តាលឱ្យកំណាត់ផ្លូវជាតិលេខ២ត្រូវបានកកស្ទះចរាចរយ៉ាងខ្លាំង ព្រោះចំពេលដែលមានចរាចរទៅមកច្រើន ៕
s
ចែករំលែកព័តមាននេះ