ADផ្ទាំងផ្សព្វផ្សាយពាណិជ្ជកម្ម

Picture

ឆេះ​រថយន្ត​​មួយ​គ្រឿង​លើ​ផ្លូវ​ល្បឿន​លឿន​

6 ម៉ោង មុន
  • កំពង់ស្ពឺ

ខេត្តកំពង់ស្ពឺ​៖ រថយន្ត​ប៉ា​ជេ​រ៉ូ​(PAJERO) មួយ​គ្រឿង​ត្រូវ​បាន​អគ្គី​ភ័យ​លេប​ត្របាក់​អស់​គ្មាន​សល់ ខណៈ​ដែល​កំពុង​តែបើ​កប​រលើ​ផ្លូវ​ល្បឿន​លឿន​ហើយ​ឆ្លង​ចរន្ត​ភ្លើង​ឆាបឆេះ​បង្ក​ឱ្យ​មានការ​ភ្ញាក់ផ្អើល​តែ​ម្តង​។ ហេតុការណ៍​ឆេះ​រថយន្ត​បង្ក​ឱ្យ​មានការ​ភ្ញាក់ផ្អើល​កាលពី​វេលា​ម៉ោង​៤​និង​២៨​នាទី​រសៀល​ថ្ងៃ​ទី​២២ ខែមករា ឆ្នាំ​២០២៦ នៅ​លើ​ផ្លូវ​ល្បឿន​លឿន គីឡូម៉ែត្រ​លេខ​៧៨(+៣០០) ទិស​ដៅ​ភ្នំពេញ​-​ព្រះ​សីហ​នុ…

ខេត្តកំពង់ស្ពឺ​៖ រថយន្ត​ប៉ា​ជេ​រ៉ូ​(PAJERO) មួយ​គ្រឿង​ត្រូវ​បាន​អគ្គី​ភ័យ​លេប​ត្របាក់​អស់​គ្មាន​សល់ ខណៈ​ដែល​កំពុង​តែបើ​កប​រលើ​ផ្លូវ​ល្បឿន​លឿន​ហើយ​ឆ្លង​ចរន្ត​ភ្លើង​ឆាបឆេះ​បង្ក​ឱ្យ​មានការ​ភ្ញាក់ផ្អើល​តែ​ម្តង​។

ហេតុការណ៍​ឆេះ​រថយន្ត​បង្ក​ឱ្យ​មានការ​ភ្ញាក់ផ្អើល​កាលពី​វេលា​ម៉ោង​៤​និង​២៨​នាទី​រសៀល​ថ្ងៃ​ទី​២២ ខែមករា ឆ្នាំ​២០២៦ នៅ​លើ​ផ្លូវ​ល្បឿន​លឿន គីឡូម៉ែត្រ​លេខ​៧៨(+៣០០) ទិស​ដៅ​ភ្នំពេញ​-​ព្រះ​សីហ​នុ ចំណុច​ភូមិ​ទី​៤ ឃុំ​ត្រែង​ត្រ​យឹ​ង ស្រុក​ភ្នំស្រួច ខេត្តកំពង់ស្ពឺ​។

លោក​វរសេនីយ៍ទោ ជុន ចន្ទ​ដេ​ត អធិការ​នគរបាល​ស្រុក​ភ្នំស្រួច​បានឱ្យ​ដឹង​ថា​ នៅ​មុន​ពេល​កើតហេតុ មាន​រថយន្ដ​១​គ្រឿង ម៉ាក MITSUBISHI PAJERO ពណ៌​ទឹកប្រាក់​លាយ​បៃតង ពាក់​ផ្លា​ក​លេខ​ភ្នំពេញ​2AN-7514 បើកបរ​ដោយ​ឈ្មោះ វង្ស វុ​ត្ថា ភេទ​ប្រុស អាយុ​៣៣​ឆ្នាំ រស់នៅ​ភូមិ​ព្រែក​រាំង សង្កាត់​កំពង់​សំណាញ់ ក្រុង​តា​ខ្មៅ ខេត្តកណ្ដាល និង​អ្នក​រួម​ដំណើរ​៣​នាក់​ស្រី បាន​បើកបរ​លើ​ផ្លូវ​ល្បឿន​លឿន​ពី​ខេត្ត​ព្រះ​សីហ​នុ ឆ្ពោះទៅ​រាជធានី​ភ្នំពេញ លុះ​ពេល​ធ្វើ​ដំណើរ​មក​ដល់​ចំណុច​កើតហេតុ​ខាងលើ រថយន្ត​បាន​ឆ្លង​ចរន្ដ​អគ្គី​ស​នី​បណ្ដាល​ឲ្យ​ក្លាយទៅជា​អណ្តាតភ្លើង​ឆាបឆេះ​រថយន្ត​អស់ទាំង​ស្រុង ចំណែក​អ្នកបើកបរ​និង​អ្នក​រួម​ដំណើរ​ក្នុង​រថយន្ដ​មិន​មាន​រង​របួស​នោះ​ទេ​។

លោក​វរសេនីយ៍ទោ ជុន ចន្ទ​ដេ​ត អធិការ​នគរបាល​ស្រុក​ភ្នំស្រួច បញ្ជាក់​ថា ករណី​ខាងលើ​រថយន្ដ​ពន្លត់អគ្គីភ័យ​របស់​ក្រុមហ៊ុន​ប្រចាំការ​លើ​ផ្លូវ​ល្បឿន​លឿន​បាន​ចេញ​អន្ដរាគមន៍​ពន្លត់​បាន​ទាន់​ពេលវេលា តែ​អគ្គិភ័យ​ឆាបឆេះ​លឿន​ពេក​បណ្ដាល​ឱ្យ​រថយន្ដ​ប៉ា​ជេ​រ៉ូ​ឆេះ​អស់​រង​ការ​ខូចខាត​ស្ទើ​រ​តែ​មួយ​រយ​ភាគរយ​ទៅ​ហើយ​។

ក្រោយ​កើតហេតុ​តំណាង​ក្រុមហ៊ុន​ផ្លូវ​ល្បឿន​លឿន​បាន​ស្ទួ​ច​យក​រថយន្ដ​ខាង​លើ ទៅ​រក្សា​ទុក​នៅ​ទីតាំង​​បញ្ជរ​សុវត្ថិភាព និង​រង់ចាំ​ធ្វើការ​ដោះស្រាយ​ជាមួយ​ភាគី​ម្ចាស់​រថយន្ដ​នៅ​ពេល​ក្រោយ​៕

អត្ថបទសរសេរ ដោយ

កែសម្រួលដោយ