ADផ្ទាំងផ្សព្វផ្សាយពាណិជ្ជកម្ម

បាញ់១គ្រាប់ធ្លាយពោះនឹកស្មានតែរឿងដណ្តើមស្រី តាមពិតពាលស៊ីពាលសោះ

13 ឆ្នាំ មុន

០៩ ខែ កក្កដា ឆ្នាំ ២០១២ ម៉ោង ០៣:៥៥

ខេត្តកំពង់ចាម ៖ ក្រុមក្មេងទំនើង២ក្រុម មានគ្នាមិនតិចជាង១០នាក់ បានផឹកស៊ីស្រវឹងធ្លាក់ភ្នែកនៅកន្លែងលក់គ្រឿងក្លែមមួយកន្លែងទល់មុខហាងខារ៉ាអូខេត្រជាក់ចិត្ត ស្ថិតក្នុងភូមិជីមាន់លិច ឃុំក្រែក ស្រុកពញាក្រែក ហើយបង្កទំនាស់ប្រកែកគ្នាទៅវិញទៅមក រហូតឈានដល់បាញ់ប្រហារគ្នាបង្កឱ្យមានការភ្ញាក់ផ្អើលកាលពីវេលាម៉ោង១និង៣៧នាទីរំលងអធ្រាត្រឈានចូលថ្ងៃទី៩ កក្កដា ២០១២ បណ្តាលឱ្យយុវជនម្នាក់រងរបួសផងដែរ។

យុវជនរងគ្រោះឈ្មោះយឹម ចំណាប់ អាយុ២២ឆ្នាំ រស់នៅភូមិជីមាន់ជើង ឃុំក្រែក ត្រូវ១គ្រាប់ចំខ្នងផ្នែកខាងស្តាំធ្លាយមកពោះខាងឆ្វេងរងរបួសជាទម្ងន់ត្រូវបានក្រុមគ្រួសារដឹកទៅសង្គ្រោះនៅមន្ទីរពេទ្យបង្អែកស្រុកពញាក្រែក និងបន្តនាំទៅសង្គ្រោះនៅមន្ទីរពេទ្យបង្អែកខេត្ត។