គណបក្សហ៊្វុនស៊ិនប៉ិចអះអាងថា ការ មិនទុកចិត្តគ្នារវាងថ្នាក់ដឹកនាំរដ្ឋាភិបាលបណ្តាលឱ្យមានព្រឹត្តិការណ៍បង្ហូរឈាមកាលពី១៥ឆ្នាំមុន
បញ្ចូលអត្ថបទ ៖ ស្រីណា កោះ
ថ្ងៃព្រហស្បត្ត៏ ទី៥ ខែកក្កដា ឆ្នាំ២០១២ ម៉ោង ១៧:៥៥
កោះសន្តិភាព
លោកញ៉ឹក ប៊ុនឆៃ ក្នុងពិធីសន្និសីទកាសែត
Update Required
To play the media you will need to either update your browser to a recent version or update your
Flash plugin.
រាជធានីភ្នំពេញ ៖ លោកញ៉ឹក ប៊ុនឆៃ ប្រធានប្រតិបត្តិនៃគណបក្សហ៊្វុនស៊ិនប៉ិច បានថ្លែងកាលពីថ្ងៃទី៥ កក្កដា ២០១២ ថា «ព្រឹត្តិការណ៍ថ្ងៃទី៥-៦ កក្កដា ១៩៩៧ ក្នុងក្រុងភ្នំពេញ កាលពី១៥ឆ្នាំមុន បណ្តាលមកពីការមិនទុកចិត្តគ្នារវាងថ្នាក់ដឹកនាំរដ្ឋាភិបាល កាលពីអាណត្តិទី១» ។ ការលើកឡើងរបស់លោកញឹក ប៊ុនឆៃ បានធ្វើឡើងក្នុងសន្និសីទកាសែតមួយនៅឯគេហដ្ឋានរបស់លោក ស្ថិតក្នុងសង្កាត់ជ្រោយចង្វា ខណ្ឌប្ញស្សីកែវ រាជធានីភ្នំពេញ ។
លោកញឹក ប៊ុនឆៃ បានបន្ទោសយ៉ាងខ្លាំងលើសម្តេចក្រុមព្រះនរោត្តម រណប្ញទ្ធិ ព្រោះពេលនោះ ទ្រង់ជាប្រធានគណបក្សហ៊្វុនស៊ិនប៉ិច និងជានាយករដ្ឋមន្ត្រីទី១ បាននាំមកនូវកម្លាំងមួយផ្នែករបស់ខ្មែរក្រហម ចូលមកក្នុងជួរកងកម្លាំងរដ្ឋាភិបាល ដោយមិនបានផ្តល់ព័ត៌មានលំអិតដល់នាយករដ្ឋមន្ត្រីទី២ ដែលពេលនោះសម្តេចហ៊ុន សែន ជានាយករដ្ឋមន្ត្រីទី២ ។ ការមិនបានរាយការណ៍នូវសកម្មភាពដែលទ្រង់បានធ្វើជាមួយថ្នាក់ដឹកនាំខ្មែរក្រហម និងការនាំមកនូវកម្លាំងណាមួយបានបណ្តាលឱ្យមានការមិនទុកចិត្តគ្នាកើតឡើងនាពេលនោះ ។
លោកញឹក ប៊ុនឆៃ បានរៀបរាប់ថា ព្រឹត្តិការណ៍បង្ហូរឈាម ដែលកើតឡើងនៅពេលនោះគឺកងកម្លាំងរបស់លោកចំនួន៤១នាក់ បានរត់គេចខ្លួនតាមលោកត្រូវបានចាប់ខ្លួន មានតែមនុស្សពីរនាក់ទេបានរត់រួច ពីការតាមចាប់ខ្លួន គឺរូបលោក និងកងការពាររបស់លោកម្នាក់ទៀត ។ មានមេទ័ពគណបក្សហ៊្វុនស៊ិនប៉ិចជាច្រើនបានស្លាប់បាត់បង់ជីវិតដូចជាលោកចៅ សម្បត្តិ លោក្រួច យឿង និងលោកហូ សុខ ជាដើម ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
