ភូមិមួយនៅភាគខាងជើងស៊ីបេរីឆេះទៅជាផេះក្នុងហេតុការណ៍ភ្លើងឆេះព្រៃ
ដោយ ៖ ប្រុសកោះ
ថ្ងៃព្រហស្បត្ត៏ ទី៩ ខែកញ្ញា ឆ្នាំ២០១០ ម៉ោង ១០:២០
គេហទំព័របរទេស
ទិដ្ឋភាពភ្លើងព្រៃ
អាជ្ញាធរនិយាយថា ភូមិមួយនៅភាគខាងជើងតំបន់ស៊ីបេរី ត្រូវបានបំផ្លាញទាំងស្រុង ដោយភ្លើងឆេះព្រៃ កាលពីថ្ងៃទី៨ កញ្ញា កន្លងមក បណ្តាលឱ្យមនុស្សជាង១.០០០នាក់ គ្មានផ្ទះសំបែង ។ ក្រសួងសភាពការណ៍បន្ទាន់រុស្ស៊ី បានប្រាប់ទូរទស្សន៍ CNN ថា ក្នុងហេតុការណ៍ភ្លើងឆេះភូមិនេះបណ្តាលឱ្យស្លាប់អ្នកពន្លត់ភ្លើងម្នាក់ ហើយពលរដ្ឋក្នុងភូមិទាំងអស់ត្រូវបានជំលៀស ។ ក្រសួងនេះបានឱ្យដឹងទៀតថា ភ្លើងបានបំផ្លាញផ្ទះ៤៣៣ខ្នង នៅក្នុងភូមិដែលមានមនុស្ស១.១៦៦នាក់ រស់នៅ ។
ភូមិដែលរងការឆេះបំផ្លាញដោយភ្លើងឆេះព្រៃនេះស្ថិតនៅក្នុងតំបន់ Altai របស់រុស្ស៊ីមានព្រំដែនជាប់ប្រទេសកាហ្សាក់ស្ថាន ។ ក្នុងហេតុការណ៍ភ្លើងឆេះភូមិមួយទាំងមូលនេះប្រធានាធិបតីរុស្ស៊ី លោកឌីមីទ្រី ម៉េដវ៉េដេវ បានបញ្ជាឱ្យបង់ប្រាក់សំណងដល់ពលរដ្ឋដែលបាត់បង់ផ្ទះសំបែង ៕
