រាជធានីភ្នំពេញ ៖ និស្សិតម្នាក់លោតទម្លាក់ខ្លួនពីលើផ្ទះជាន់ទី២ ហក់ទៅតោងមែកឈើបាក់ធ្លាក់មកដល់ដី បណ្តាលឱ្យរងរបួសធ្ងន់ត្រូវបានម្តាយ និងបងប្អូនបញ្ជូនទៅកាន់មន្ទីរពេទ្យព្រះកុសុមៈដើម្បីសង្គ្រោះ ។ ទាក់ទិនការលោតពីលើផ្ទះគេពុំដឹងពីមូលហេតុពិតប្រាកដឡើយ ប៉ុន្តែបើតាមជននោះអះអាងថា ងងឹតមុខធ្លាក់មកក្រោម។ ទោះបីជាយ៉ាងណាសាក្សីសង្ស័យថា ថ្នាំញៀនរើហើយទើបនិស្សិតនោះលោតចុះមកក្រោមបែបនេះ។
ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១រសៀលថ្ងៃទី២៧ មិថុនា ២០១២ នៅផ្ទះលេខ៩៣៤អឺ២ មហាវិថីកម្ពុជាក្រោម កន្លែងលក់កង់ក្នុងសង្កាត់ទឹកល្អក់ទី១ ខណ្ឌទួលគោក ។ បុរសដែលលោតពីលើផ្ទះឈ្មោះភឹម លីណា អាយុ២៤ឆ្នាំ ជានិស្សិត មានលំនៅផ្ទះកើតហេតុខាងលើ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ