ការស្រាវជ្រាវមួយបានលើកឡើងថា ទឹកដោះម្តាយជួយការពារកូនតូចឱ្យគេចផុតពីការឆ្លងវីរុសអេដស៍បាន ។ ការពិសោធលើសត្វកណ្តុរដែលមានមេរោគ HIVបានបង្ហាញថា ទោះបីបើ កូនៗរបស់វាមួយចំនួនទទួលបានវីរុសនេះពីការបំបៅដោយទឹកដោះក្តី ក៏ប៉ុន្តែទឹកដោះម្តាយក៏មានប្រសិទ្ធភាពប្រឆាំងនឹងវីសរុសនេះយ៉ាងខ្លាំងក្លាដែរ ។
អ្នកដឹកនាំការសិក្សា វេជ្ជបណ្ឌិត Victor Garciaមកពីសាកលវិទ្យាល័យ University of North Carolinaសហរដ្ឋអាមេរិកបាននិយាយថា ៖«លទ្ធផលនៃការសិក្សានេះបានផ្តល់ជាការយល់ដឹងយ៉ាងសំខាន់មួយទៅលើសមត្ថភាពដ៏គួរឱ្យភ្ញាក់ផ្អើលនៃទឹកដោះម្តាយក្នុងការបំផ្លាញវីរុស HIVក៏ដូចជាការទប់ស្កាត់ការឆ្លងរាលដាលនៃវីរុសនេះ ។ គ្មានក្មេងណាម្នាក់ធ្លាប់ឆ្លងវីរុស HIV ក៏ព្រោះពួកគេត្រូវបានបំដៅដោយទឹកដោះទេ ។ ការបំបៅកូនដោយទឹកដោះបានផ្តល់នូវសារធាតុចិញ្ចឹមយ៉ាងដិតដល់និងការការពារពីជំងឺឆ្លងផ្សេងទៀត ជាពិសេសនៅទីកន្លែងដែលទឹកស្អាតសម្រាប់រូបមន្តកូនក្មេងមានការខ្វះខាត»។
ចំណែកវេជ្ជបណ្ឌិត Angela Wahlអ្នកដឹកនាំការនិពន្ធបានថ្លែងថា៖«លទ្ធផលនេះគឺពិតជាសំខាន់ណាស់ពីព្រោះវាបានបង្ហាញថា ទឹកដោះម្តាយអាចទប់ស្កាត់ទាំងស្រុងនូវការឆ្លងតាមមាត់នូវវីរុស HIVទាំងពីរទម្រង់ដែលត្រូវបានរកឃើញនៅក្នុងទឹកដោះរបស់អ្នកម្តាយដែលផ្ទុកវីរុស HIV ចុណ្ណភាគវីរុសនិងកោសិកាចម្លងវីរុស ។ អ្វីទាំងនេះវាជំទាស់ទៅនឹងសម្មតិកម្ម Trojan Horseដែលនិយាយថា HIVនៅក្នុងកោសិកាមានកម្លាំងប្រឆាំងនឹងប្រព័ន្ធការពាររាងកាយខ្លាំងជាងHIVនៅក្នុងចុណ្ណភាគវីរុស»៕
ចែករំលែកព័តមាននេះ