កំណើនសេដ្ឋកិច្ចចិនក្នុងត្រីមាសទី២អាចធ្លាក់ចុះមកត្រឹម៧,៥ភាគរយ ដោយសារវិស័យអចនលទ្រព្យ និងតម្រូវការពីខាងក្រៅចុះទន់ខ្សោយ ។ នេះបើតាមរបាយការណ៍របស់រដ្ឋាភិបាលកណ្តាលចិនផ្សព្វផ្សាយ ។មជ្ឈមណ្ឌលព័ត៌មានព្យាករពីកំណើន សម្រាប់ប្រទេសខ្លួនថា នឹងកើនឡើង៧,៥ភាគរយក្នុងត្រីមាសទី២ ដែលវាជាអត្រាដែលទាបបំផុតគិតចាប់ពីឆ្នាំ២០០៩មក ។ ការព្យាករដែលទៅមិនឆ្ងាយពីការកត់សម្គាល់របស់មេដឹកនាំចិនលោក Wen Jiabao ក្នុងខែមីនា ថានឹងមានអត្រាកំណើនទាបជាង៨,១ភាគរយក្នុងឆ្នាំនេះ ។
របាយការណ៍នោះចេញមកស្របពេលទិន្នន័យការិយាល័យស្ថិតិជាតិបញ្ជាក់ថា តម្លៃផ្ទះក្នុងទីក្រុងចំនួន៤៦ក្នុងចំណោមទីក្រុងចំនួន៧០ធ្លាក់ចុះ ។ តែទោះជាយ៉ាងណាក្តីសង្ឃឹមពីអតិផរណានឹងធ្លាក់ចុះកម្តៅមកត្រឹម៣,៣ភាគរយក្នុងត្រីមាសទី២ ដោយសារតម្រូវការក្នុងស្រុកធ្លាក់ចុះ ខណៈតម្លៃទំនិញកើនឡើង៣,៤ភាគរយក្នុងខែមេសា ។
ស្របពេលជាមួយគ្នានោះដែរ ក្រុមហ៊ុន Goldman Sachsបានកាត់បន្ថយការព្យាករកំណើនសេដ្ឋកិច្ចចិនសម្រាប់ឆ្នាំ២០១២ ពីអត្រា៨,៦ភាគរយមក៨,១ភាគរយ ។ ចំណែកកំណើននៃការព្យាករសម្រាប់ត្រីមាសទី២លើកមុនមានចំនួន៨,៥ភាគរយ តែពេលនេះមានចំនួនតែ៧,៩ភាគរយ ។
មានការរំពឹងខ្ពស់ពីការកាត់បន្ថយអត្រាប្រាក់បម្រុងកាតព្វកិច្ចសម្រាប់ធនាគារ និងពន្លឿនការអនុម័តលើគម្រោងវិនិយោគ ។ ប្រទេសចិនប្រហែលកាត់បន្ថយអត្រាការប្រាក់២លើកក្នុងត្រីមាសទី៣ ឆ្នាំ២០១២នេះ ពេលអតិផរណាធ្លាក់ចុះទាបជាង៣ភាគរយ៕
ចែករំលែកព័តមាននេះ