កីឡាករវ៉េន រូនី ខ្សែប្រយុទ្ធក្លឹប Man Utd និងក្រុមជម្រើសជាតិអង់គ្លេស អាចប្រឈមមុខនឹងការសម្រុះសម្រួលរយៈពេលយូរជាមួយនាងខលីន រូនី ជាប្រពន្ធ ក្នុងអំឡុងពេលសម្រាកលម្ហែកាយរយៈពេលខ្លី ក្រោយពីបិទរដូវកាលដោយបាននាំក្រុមគ្រួសារ រួមទាំងកូនតូចអាយុ២ឆ្នាំ ទៅដើរកម្សាន្តនៅឡាសវ៉េហ្គាស សហរដ្ឋអាមេរិក នៅមុនពេលត្រៀមប្រកួតអឺរ៉ូ២០១២ នៅប្រទេសប៉ូឡូញ និងអ៊ុយក្រែន ជាម្ចាស់ផ្ទះក្នុងរវាងពីថ្ងៃទី៨ មិថុនា ដល់ថ្ងៃទី១ សីហា ខាងមុខ ។
ក្នុងពេលថ្មីៗកន្លងមក វ៉េន រូនី ត្រូវថតរូបបានដោយមាននារីៗក្នុងក្លឹបកម្សាន្តតាមចោមរោមជាច្រើននាក់ ខណៈពេលទៅក្លឹបកម្សាន្តរវាងពីម៉ោង១ដល់ម៉ោង៣រំលងអធ្រាត្រ ស្របពេលនាងខលីន កំពុងសម្រាកនៅឯសណ្ឋាគារ ដើម្បីថែទាំកូនតូចអាយុ២ឆ្នាំ ។ប្រភពព័ត៌មានពីបុគ្គលិកម្នាក់នៅក្នុងក្លឹបកម្សាន្ត បានឱ្យដឹងតាមរយៈកាសែត ដឹសាន់ ថា «កីឡាករវ៉េន រូនី និងមិត្តភក្តិរបស់គេមកទីនេះប្រហែលម៉ោង១រំលងអធ្រាត្រ ឆ្ពោះទៅបន្ទប់វីអាយភី (VIP) ដោយមានស្រាឆ្ងាញ់និងស្ត្រីកំដរជាច្រើននាក់ឈរជុំវិញតុរបស់គេ ។ គេហាក់ដូចជាមានក្តីរំភើប ដែលទទួលចំណាប់អារម្មណ៍ពីស្ត្រីកំដរសក់ចម្រុះពណ៌ ប្រៀបដូចជាក្រុមស្ត្រីឥន្ទធនូ មកចោមរោម » ៕
ចែករំលែកព័តមាននេះ