មេដឹកនាំតៃវ៉ាន់លោកMA YING- JEOU បានចូលកាន់តំណែងអាណត្តិទី២កាលពីថ្ងៃទី២០ ឧសភា ក្រោយជាប់ឆ្នោតជាថ្មីទៀតមក ។ក្នុងសុន្ទរកថាមួយនាពិធីចូលកាន់តំណែងជាថ្មីនេះលោកMAថ្លែងថា រយៈពេល៤ឆ្នាំចុងក្រោយនេះតៃវ៉ាន់បានកែលម្អទំនាក់ទំនងរវាងផ្នែកទាំង២នៃច្រកសមុទ្រតៃវ៉ាន់ហើយកាត់បន្ថយភាពតានតឹងរវាងផ្នែកទាំង២ ដែលនាំមកនូវសន្តិភាព ធានាភាពរុងរឿងហើយទទួលការគាំទ្រយ៉ាងទូលំទូលាយពីសំណាក់ប្រជាជន។
យើងជំរុញទំនាក់ទំនងរវាងផ្នែកទាំង២នៃច្រកសមុទ្រតៃវ៉ាន់យោងទៅតាមគោលការណ៍ដោះស្រាយរឿង បន្ទាន់មុនរឿងមិនសូវបន្ទាន់ ដោះស្រាយបញ្ហាមិនលំបាកមុនបញ្ហាលំបាក និងដោះស្រាយបញ្ហាសេដ្ឋកិច្ចមុនបញ្ហានយោបាយ។
លោក MA សន្យាធ្វើការខិតខំប្រឹងប្រែងនារយៈពេល៤ឆ្នាំខាងមុខនេះពង្រីកកំណើនសេដ្ឋកិច្ច ជួយទ្រទ្រង់ដល់ការប្រកួតប្រជែងរបស់តៃវ៉ាន់ដោយបង្កើតការងារឱ្យបានច្រើន ហើយធ្វើឱ្យមានយុត្តិធម៌សង្គម ជំរុញសេដ្ឋកិច្ចដោយបញ្ចេញឧស្ម័នពុលតិចនិងប្រើប្រាស់ថាមពលបៃតង ៕
ចែករំលែកព័តមាននេះ