ម៉ាស៊ីនឃោសនាក្នុងស្រុករាយការណ៍ថា ការរញ្ជួយដីកម្លាំង៥,៩រីស្ទ័រកើតមាននៅភាគខាងជើងអ៊ីតាលីកាលពីព្រឹកព្រលឹមថ្ងៃទី២០ឧសភាចំនួនអ្នកស្លាប់ឡើងដល់យ៉ាងតិច៦នាក់ ហើយមនុស្សជាច្រើនសិបនាក់ត្រូវរបួស ។
កម្មករធ្វើការពេលយប់៤នាក់ស្លាប់ក្នុងការបាក់រោងចក្រ៣ជិតទីក្រុងហ្វ័ររ៉ារ៍ ភាគខាងជើងប្រទេសអ៊ីតាលី ។ បុរសចំណាស់ម្នាក់ស្លាប់នៅលើគ្រែហើយនារីអាយុ៣៧ឆ្នាំម្នាក់ស្លាប់ដោយគាំងបេះដូងបណ្តាលមកពីភ័យនិងការរញ្ជួយដី ។ អគារជាច្រើនក្នុងនោះមានព្រះវិហារ និងអគារប្រវត្តិសាស្ត្រនានាបានត្រូវបាក់ ចំណែកប្រជាជនជាច្រើនពាន់នាក់ដែលភ័យបានរត់មកកាន់ដងវិថីក្នុងទីក្រុងជាច្រើនរបស់ប្រទេស ។ អាចមានជនរងគ្រោះដទៃៗទៀត ហើយមនុស្សជាច្រើននាក់ត្រូវរបួស ។
កាលពីឆ្នាំ២០០៩ ការរញ្ជួយដីមួយកម្លាំង៦,៣រីស្ទ័រ ធ្លាប់សម្លាប់មនុស្សជិត៣០០នាក់ នៅអាគីឡា ជាទីក្រុងមួយនៅភាគកណ្តាលប្រទេស៕
ចែករំលែកព័តមាននេះ