ក្លឹប Chelsea កំពុងស្ថិតក្នុងស្ថានភាពស្ទាក់ស្ទើរក្នុងការចុះកិច្ចសន្យាថ្មីដល់កីឡាករដ្រក់បា ព្រោះអាយុរបស់កីឡាកររូបនេះឈានចូលដល់វ័យចំណាស់ជាមូលហេតុធ្វើឱ្យសាមីខ្លួនមានក្តីស្រមៃក្នុងការស្វែងរកជម្រកថ្មីដែលអាចផ្លាស់ទៅក្របខណ្ឌបាល់ទាត់អាមេរិក ប៉ុន្តែជាចុងក្រោយនេះបានលេចឮដំណឹងថា ក្លឹប Barcelona យល់ព្រមទទួលយកខ្សែប្រយុទ្ធក្រុមជម្រើសជាតិកូតឌីវ័ររូបនេះហើយ ។
របាយការណ៍បញ្ជាក់ថា ក្លឹប Barcelona ត្រៀមដាក់សំណើជាកិច្ចសន្យារយៈពេល២ឆ្នាំ រួមទាំងប្រាក់ឈ្នួល៥លានផោន ដល់កីឡាករឌីឌីយេ ដ្រក់បា នឹងរំពឹងថា ក្រោយពីបញ្ចប់ការប្រកួតដណ្តើមជើងឯកយូហ្វាឆេមពានលីកដែល Chelsea នឹងជួបជាមួយក្លឹប Bayern Munich នៅយប់ថ្ងៃសៅរ៍ទី១៩ ឧសភា ខាងមុខ អ្វីៗគ្រប់យ៉ាងនឹងបង្ហាញតម្រុយយ៉ាងច្បាស់ ។
ចែករំលែកព័តមាននេះ