មានពាក្យចរាមអារ៉ាមថា កីឡាករបាឡូតេលលី នឹងផ្លាស់ចេញពី Man City ក្នុងអំឡុងពេលបិទរដូវកាលនេះ ព្រោះសាមីខ្លួនខកខានមិនបានចូលលេងជាច្រើនប្រកួតក្នុងដំណាក់កាលចុងក្រោយនៃរដូវកាល២០១១-២០១២ ។
កីឡាករម៉ារីយ៉ូ បាឡូតេលលី អាចត្រូវធ្វើជាថ្នូរក្នុងការដោះដូរជាមួយកីឡាករស្លាតាន អ៊ីប្រាហ៊ីម៉ូវិច ហើយខណៈពេលមានឮពាក្យចចាមអារ៉ាមនេះធ្វើឱ្យលោកម៉ាន់ស៊ីនី ខឹងសម្បា និងថ្លែងថា «អីុប្រាហ៊ីម៉ូវិច ជាកីឡាករឆ្នើម ប៉ុន្តែខ្ញុំមិនបានគិតថាក្លឹប AC Milan នឹងមិនលក់ឡើយ។ ក្នុងរយៈពេល៥សប្តាហ៍កន្លងមក ខ្ញុំគ្មានចាប់អារម្មណ៍លើទីផ្សារដោះដូរទេ ព្រោះកំពុងផ្ចង់ស្មារតីក្នុងការដណ្តើមជើងឯកនៅលីកកំពូល។
ស្របពេលជាមួយគ្នានេះ លោកក៏បានគូសបញ្ជាក់ថា កីឡាករម៉ារីយូ៉ បាឡូតេលលី នឹងស្ថិតនៅក្លឹប Man City បន្តទៀតក្នុងលក្ខណៈ១០១ភាគរយ» ។
ចែករំលែកព័តមាននេះ