រុតវ៉ាន់ នីស្តេលរ៉យ អតីតខ្សែប្រយុទ្ធក្រុមជម្រើសជាតិហូឡង់ ប្រកាសចូលនិវត្តន៍នៅក្នុងវ័យ៣៥ឆ្នាំ ក្រោយពីឈានជើងចូលក្នុងអាជីពកីឡាករបាល់ទាត់អស់រយៈពេលជាង១៩ឆ្នាំ ។
កីឡាកររុតវ៉ាន់ នីស្តេលរ៉យ បានចូលលេងឱ្យក្លឹប Malaga ជាក្លឹបបច្ចុប្បន្នក្នុងក្របខណ្ឌ La Liga កាលពីថ្ងៃទី១៣ ឧសភា កន្លងមក និងចាត់ទុកថាជាលើកចុងក្រោយក្នុងនាមជាកីឡាករបាល់ទាត់អាជីពរបស់គេ ហើយពេលនេះគេបានប្រកាសចូលនិវត្តន៍ជាផ្លូវការ ។ អតីតខ្សែប្រយុទ្ធក្លឹប Man Utd (នីស្តេលរ៉យ) រូបនេះនិយាយថា «កាលពីថ្ងៃទី១៣ ឧសភា កន្លងមក ខ្ញុំចូលប្រកួតបាល់ទាត់ជាអាជីពចុងក្រោយ ។ ខ្ញុំគិតថាដល់ពេលវេលាដែលខ្លួនឈប់លេង ព្រោះស្ថានភាពរាងកាយមិនអំណោយផលល្អ»។
ចែករំលែកព័តមាននេះ