ផ្នែកសារព័ត៌មានរបស់វិមានក្រឹមឡាំងរាយកាណ៍ថាប្រធានាធិបតីរុស្ស៊ីលោកវ៉្លាឌីមៀរ ពូទីន និងនាយករដ្ឋមន្ត្រីលោកឌីមីឌ្រី ម៉េដវេដេវ បានពិភាក្សាគ្នាកាលពីថ្ងៃទី១៦ឧសភាពីបញ្ហាទាំងឡាយដែលទាក់ទិនដល់កិច្ចប្រជុំកំពូលរបស់ G-8 ។ ក៏ប៉ុន្តែផ្នែកសារព័ត៌មាននោះពុំបានលាតត្រដាងពីភាពលម្អិតនៃការពិភាក្សាគ្នានោះរវាងលោកពូទីននិងលោកម៉េដវេដេវឡើយ ។
មុននេះលោកពូទីនប្រកាសថា លោកនឹងពុំទៅចូលរួមក្នុងកិច្ចប្រជុំកំពូលនោះឡើយដោយលើកហេតុផលពីការជាប់រវល់ក្នុងការបង្កើតរដ្ឋាភិបាលថ្មីដោយឱ្យលោកម៉េដវេដេវទៅចូលរួមជំនួស ។ កិច្ចប្រជុំកំពូលG-8នោះត្រូវធ្វើនៅសហរដ្ឋអាមេរិកនាថ្ងៃទី១៨និង១៩ឧសភា ខាងមុខនេះ ។
កាលពីថ្ងៃទី១៦ឧសភាដែរ កាសែតKOMMERSANT របស់រុស្ស៊ីរាយការណ៍ថា ប្រធានាធិបតីអាមេរិកលោកបារ៉ាក់ អូបាម៉ា និងលោកម៉េដវេដេវ នឹងជួបគ្នាទ្វេភាគីនៅខាងក្រៅកិច្ចប្រជុំកំពូល G-8 នោះឯ CAMP DAVID។ កាសែតជាប្រភពព័ត៌មានរបស់រដ្ឋាភិបាលរុស្ស៊ីនោះបន្តថា លោកបារ៉ាក់ អូបាម៉ា នឹងមិនពិភាក្សាជាមួយលោកម៉េដវេដេវពីបញ្ហាការពារប្រឆាំងមីស៊ីលនិងទំនាក់ទំនងពាណិជ្ជកម្មទ្វេភាគីឡើយ មកពីអវត្តមានរបស់លោកពូទីន ។
បញ្ហាទាំងនោះនឹងពិភាក្សាក្នុងឱកាសនៃការជួបគ្នារវាងលោកអូបាម៉ា និងលោកពូទីននាខែមិថុនាក្នុងឱកាសនៃកិច្ចប្រជុំកំពូល G-20 នៅប្រទេសមុិចស៊ិក ៕
ចែករំលែកព័តមាននេះ