រាជធានីភ្នំពេញ ៖ បុរស២នាក់បងប្អូនជិះម៉ូតូឌុបគ្នារវល់តែងាកក្រោយនិយាយគ្នា ជ្រុលទៅបុកគូទម៉ូតូពីខាងមុខ បណ្តាលឱ្យដួលសន្លប់២០នាទី ទើបដឹងខ្លួនវិញ ។ គ្រោះថ្នាក់ចរាចរណ៍នោះកើតឡើងកាលពីវេលាម៉ោង៧និង២០នាទីយប់ថ្ងៃទី១៦ ឧសភា លើកំណាត់ផ្លូវ២៣០ ក្នុងសង្កាត់ផ្សារដើមគ ខណ្ឌទួលគោក ។
សាក្សីឃើញហេតុការណ៍បានឱ្យដឹងថា ម៉ូតូវីវ៉ា ពណ៌ក្រហម ជិះឌុបគ្នា២នាក់បងប្អូន តាមផ្លូវលេខ២៣០ ពីលិចទៅកើត ក្នុងល្បឿនលឿនគួរសមដែរ ហើយរវល់តែងាកក្រោយនិយាយគ្នា ស្រាប់តែជ្រុលទៅបុកគូទម៉ូតូ ឌ្រីមសេ១២៥ ពណ៌ខ្មៅ ជិះនៅខាងមុខ បណ្តាលឱ្យដួលម៉ូតូ សន្លប់អ្នកជិះពីក្រោយអត់ពាក់មួកការពារសុវត្ថិភាព។ ចំណែកអ្នកបើកបរគ្រាន់តែរលាត់ដៃជើង តិចតួច ដោយឡែកម៉ូតូឌ្រីមសេ១២៥ មិនបានដួលទេ បានបើកទៅមុខបន្តទៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ