ទីភ្នាក់ងារជាតិតស៊ូប្រឆាំងគ្រោះមហន្តរាយចិនរាយការណ៍កាលពីថ្ងៃទី១៦ ឧសភាថា ព្យុះនិងភ្លៀងធ្លាក់ខ្លាំងនានាបណ្តាលឱ្យមនុស្សស្លាប់១០២នាក់ និងបាត់ខ្លួន៣០នាក់ទៀតក្នុងប្រទេសចិនចាប់តាំងពីដំណាច់ខែមេសាមក ។
ក្នុងតុល្យការចេញផ្សាយកាលពីថ្ងៃទី១៦ឧសភាទីភ្នាក់ងារនោះគូសបញ្ជាក់ថា ភ្លៀងខ្លាំងនិងខ្យល់ព្យុះព្រមទាំងការធ្លាក់ដុំព្រិលទឹកកកកើតមានក្នុងផ្នែកមួយដ៏ធំនៃប្រទេសចិនហើយប៉ះពាល់ដល់ប្រជាជនប្រមាណជា១៣លាននាក់ ។ ព្យុះនានាវាយប្រហារលើស្រុកចំនួន១៤៧ ក្នុងខេត្តចំនួន១២ របស់ចិន ហើយបង្កឱ្យមានទឹកជំនន់និងការបាក់ដីជាច្រើនកន្លែង ។ ខេត្តយ៉ាងស៊ី ហ៊ូណាន់ និងហ្គានស៊ូ រងការប៉ះពាល់ធ្ងន់ធ្ងរជាងគេ ។
ការខូចខាតខាងសេដ្ឋកិច្ចគិតជាទឹកប្រាក់ប្រមាណជា១៦,៨៨ពាន់លានយន់ (២,៦៨ពាន់លានដុល្លារ)ជាមួយផ្ទះជាង១៤៣.០០០ខ្នង រងការខូចខាតធ្ងន់ធ្ងរហើយផ្ទៃដីដាំដុះ ៩៤៩.៤០០ហិកតារងការប៉ះពាល់ ៕
ចែករំលែកព័តមាននេះ